ಮೂಡುಬಿದಿರೆ: ಕಳವಾದ ಬೈಕ್‌ಗಳೊಂದಿಗೆ ಆರೋಪಿಗಳ ಬಂಧನ

•   Wed, Jan 23 2019 09:32:53 AM



• ಮೂಡುಬಿದಿರೆ, ಜ 23(MSP): ಕಳೆದ ಕೆಲವು ದಿನಗಳ ಹಿಂದೆ ಮೂಡುಬಿದಿರೆ ಠಾಣಾ ವ್ಯಾಪ್ತಿಯಿಂದ ಕಳವಾಗಿದ್ದ ಎರಡು ಬೈಕ್‌ಗಳ ಸಹಿತ ಇಬ್ಬರು ಆರೋಪಿಗಳನ್ನು ಮೂಡುಬಿದಿರೆ ಪೊಲೀಸರು ಪತ್ತೆ ಮಾಡಿ ಜ.22 ರ ಮಂಗಳವಾರ ಬಂಧಿಸಿದ್ದಾರೆ. 

  
  
  

  ಇಲ್ಲಿನ ಗಾಂಧೀನಗರ ನಿವಾಸಿ ಮಂಜುನಾಥ(24) ಮತ್ತು ದಡ್ಡಿಕ್ರಾಸ್ ನಿವಾಸಿ ಇಮ್ರಾನ್ ಯಾನೆ ಪುಟ್ಟ ಬಂಧಿತ ಆರೋಪಿಗಳು. ಆರೋಪಿಗಳು ವಿದ್ಯಾಗಿರಿ ಮತ್ತು ಕೊಡ್ಯಡ್ಕ ಪರಿಸರದಲ್ಲಿ ಈ ಬೈಕ್‌ಗಳನ್ನು ಕಳವುಗೈದಿದ್ದರೆನ್ನಲಾಗಿದೆ.

  ಮೂಡುಬಿದಿರೆ ಪೋಲಿಸ್ ಉಪನಿರೀಕ್ಷಕ ದೇಜಪ್ಪ ಅವರು ಸಿಬ್ಬಂದಿಗಳ ಜೊತೆ ಮಂಗಳವಾರ ಮಂಜಾನೆ ಗಾಂಧಿನಗರ ಬಳಿ ವಾಹನ ತಪಾಸಣೆ ನಡೆಸುತ್ತಿದ್ದಾಗ ಆರೋಪಿಗಳು ನಂಬರ್ ಪ್ಲೇಟ್ ಇಲ್ಲದ ಬೈಕ್‌ನಲ್ಲಿ ಬರುತ್ತಿರುವುದನ್ನು ಗಮನಿಸಿ ತಡೆದು ವಿಚಾರಿಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಮಂಗಳೂರು ಪೋಲಿಸ್ ಆಯುಕ್ತರು ಮತ್ತು ಇತರ ಹಿರಿಯ ಅಧಿಕಾರಿಗಳ ಮಾರ್ಗದರ್ಶನದಂತೆ ಕಾರ್ಯಾಚರಣೆ ನಡೆದಿದೆ ಎಂದು ಪ್ರಕಟನೆಯಲ್ಲಿ ತಿಳಿಸಿದೆ.

  ವಿದ್ಯಾಗಿರಿ ಭಾರತ್ ಚಿಕನ್ ಸ್ಟಾಲ್‌ನ ಸಿಸಿ ಕ್ಯಾಮಾರದಲ್ಲಿ ಕಳವಿನ ದೃಶ್ಯಾವಳಿ ದಾಖಲಾಗಿದ್ದು, ಪೋಲಿಸರ ತನಿಖೆಗೆ ಇದೂ ನೆರವಾಗಿದೆ ಎಂದು ತಿಳಿದು ಬಂದಿದೆ.