ಕುಂದಾಪುರ: ವಾಹನ ತಪಾಸಣೆ ವೇಳೆ ಮೂವರಿಂದ ಪೊಲೀಸರ ಕರ್ತವ್ಯಕ್ಕೆ ಅಡ್ಡಿ - ದೂರು ದಾಖಲು

•   Mon, Aug 01 2022 10:38:18 AM



• ಕುಂದಾಪುರ, ಆ 01 (DaijiworldNews/HR): ಕೋಟೇಶ್ವರ ಪೊಲೀಸ್ ಠಾಣಾ ವ್ಯಾಪ್ತಿಯ ಮೂರ್ಕೈ ಎಂಬಲ್ಲಿ ಭಾನುವಾರದಂದು ವಾಹನ ತಪಾಸಣೆ ನಡೆಸುತ್ತಿದ್ದ ಪೊಲೀಸರಿಗೆ ಅಪ್ರಾಪ್ತ ವಯಸ್ಕರಂತೆ ಕಾಣುವ ಮೂವರು ಯುವಕರು ಅಡ್ಡಿಪಡಿಸಿರುವ ಘಟನೆ ನಡೆದಿದೆ.

  

  ಕೋಟ ಪೊಲೀಸ್ ಠಾಣೆ 

  ಮಧು ಬಿ.ಇ, ಠಾಣೆ ಸಬ್ ಇನ್ಸ್ ಪೆಕ್ಟರ್ ತಮ್ಮ ಸಿಬ್ಬಂದಿಯೊಂದಿಗೆ ಮೂರ್ಕೈಯಲ್ಲಿ ವಾಹನಗಳನ್ನು ತಪಾಸಣೆ ಮಾಡುತ್ತಿದ್ದು, ಈ ವೇಳೆ ಸಾಲಿಗ್ರಾಮ ಕಡೆಯಿಂದ ಸ್ಕೂಟಿ ಬಂದಿದ್ದು, ಅದರಲ್ಲಿ ಅಪ್ರಾಪ್ತರಂತೆ ಕಾಣುವ ಮೂವರು ಯುವಕರು ಕುಳಿತಿದ್ದರು.

  ಇನ್ನು ಯುವಕರು ಹೆಲ್ಮೆಟ್ ಧರಿಸದೇ ಅತಿವೇಗದಲ್ಲಿ ಬರುತ್ತಿದ್ದರಿಂದ ಪೊಲೀಸರು ಸ್ಕೂಟಿಯನ್ನು ನಿಲ್ಲಿಸುವಂತೆ ಸೂಚಿಸಿದರು. ಆದರೆ ಅವರು ಪೊಲೀಸರನ್ನು ನಿರ್ಲಕ್ಷಿಸಿ ಅತೀ ವೇಗವಾಗಿ ಗಾಡಿ ಚಲಾಯಿಸಿಕೊಂಡು ಹೋಗಿದ್ದಾರೆ.

  ಈ ಸಂಬಂಧ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.