ಕಾಸರಗೋಡು: ಚಾಲಕನ ನಿಯಂತ್ರಣ ತಪ್ಪಿ ತೋಡಿಗೆ ಉರುಳಿದ ರಿಕ್ಷಾ-ಕಾರ್ಮಿಕ ಸಾವು

•   Tue, Aug 02 2022 06:19:32 PM



• ಕಾಸರಗೋಡು, ಆ 02 (DaijiworldNews/DB): ಆಟೋ ರಿಕ್ಷಾವೊಂದು ಚಾಲಕನ ನಿಯಂತ್ರಣ ತಪ್ಪಿ ತೋಡಿಗೆ ಉರುಳಿ ಪರಿಣಾಮ ಕೂಲಿ ಕಾರ್ಮಿಕರೋರ್ವರು ಮೃತಪಟ್ಟು, ಚಾಲಕ ಸೇರಿದಂತೆ ಮೂವರು ಗಾಯಗೊಂಡ ಘಟನೆ ಮೊಗ್ರಾಲ್ ಪುತ್ತೂರು ಸಮೀಪ ನಡೆದಿದೆ.

  ಮೂಲತಃ ಗದಗ ಸಿತಾರಹಳ್ಳಿಯ ಹೊನ್ನಪ್ಪ ಪೂಜಾರ (31) ಮೃತಪಟ್ಟವರು. ಅವರು ನಗರದ ಹೊರವಲಯದ ಸೂರ್ಲು ಮೀಪುಗುರಿಯಯಲ್ಲಿ ವಾಸವಾಗಿದ್ದರು. ಆಟೋ ಚಾಲಕ ಬೆಳ್ಳೂರಿನ ಝುಬೈರ್ ( 33) ಸೇರಿದಂತೆ ಮೂವರು ಗಾಯಗೊಂಡಿದ್ದಾರೆ.

  ಮೊಗ್ರಾಲ್ ಪುತ್ತೂರು - ಕಂಬಾರ್ ರಸ್ತೆಯ ಎಡಚ್ಚೇರಿಯಲ್ಲಿ ರಿಕ್ಷಾವು ಚಾಲಕನ ನಿಯಂತ್ರಣ ತಪ್ಪಿ ತೋಡಿಗೆ ಉರುಳಿ ಬಿದ್ದಿದ್ದು, ಪರಿಸರವಾಸಿಗಳು ಆಟೋದಲ್ಲಿ ಸಿಲುಕಿದ್ದವರನ್ನು ಹೊರ ತೆಗೆದು ಆಸ್ಪತ್ರೆಗೆ ಸಾಗಿಸಿದರು. ಈ ಪೈಕಿ ಹೊನ್ನಪ್ಪ ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟರು. ಮೃತದೇಹವನ್ನು ಕಾಸರಗೋಡು ಜನರಲ್ ಆಸ್ಪತ್ರೆಯ ಶವಗಾರದಲ್ಲಿರಿಸಲಾಗಿದೆ. ಮಾಹಿತಿ ತಿಳಿದು ಹೊನ್ನಪ್ಪ ಅವರ ಸಂಬಧಿಕರು ಕಾಸರಗೋಡಿಗೆ ತಲುಪಿದ್ದಾರೆ.