ಮುಡಿಪು: ಪಿಕಪ್ ಡಿಕ್ಕಿ ಹೊಡೆದು ಏಳು ವರ್ಷದ ಶಾಲಾ ಬಾಲಕ ಮೃತ್ಯು

•   Wed, Jan 30 2019 10:35:51 AM



• ಮುಡಿಪು,ಜ 30 (MSP):ಇಲ್ಲಿನ ಬೊಳಿಯಾರ್ ಬಳಿ ಪಿಕಪ್ ವಾಹನವೊಂದು ರಸ್ತೆ ಬದಿ ನಿಂತಿದ್ದ ಶಾಲಾ ಬಾಲಕನಿಗೆ ಡಿಕ್ಕಿ ಹೊಡೆದ ಘಟನೆ ಮಂಗಳವಾರ ಬೆಳಿಗ್ಗೆ ನಡೆದಿದ್ದು, ಗಂಭೀರವಾಗಿ ಗಾಯಗೊಂಡಿದ್ದ ಬಾಲಕ ಮೃತಪಟ್ಟಿದ್ದಾನೆ.

  

  ಬೋಳಿಯಾರ್ ಅಮ್ಮೆಮ್ಮಾರ್ ನಿವಾಸಿ ಶಂಕರ್ ಆಚಾರ್ ಅವರ ಪುತ್ರ ಪ್ರತ್ಯುಶ್ (7) ಮೃತ ಬಾಲಕ.

  ಕಲ್ಲಡ್ಕ ಶ್ರೀರಾಮ ಶಾಲೆಯ ವಿದ್ಯಾರ್ಥಿಯಾಗಿರುವ ಪ್ರತ್ಯುಶ್‌ನನ್ನು ಅವರ ತಾಯಿ ಶಾಲೆಯ ವಾಹನಕ್ಕೆ ಹತ್ತಿಸಲು ಬೋಳಿಯಾರ್ ಚೇಳೂರುಗೆ ಬಂದಿದ್ದರು. ಶಾಲಾ ವಾಹನಕ್ಕೆ ಬಾಲಕ ಹತ್ತಿದಾಗ ಚಾಲಕ ಸಣ್ಣ ಮಕ್ಕಳಿಗೆ ರಜೆ ಎಂದು ತಿಳಿಸಿದ್ದು ಈ ಸಂದರ್ಭ ಬಾಲಕ ಬಸ್‌ನಿಂದ ಇಳಿದು ರಸ್ತೆಯ ಇನ್ನೊಂದು ಬದಿಗೆ ಬಂದಿದ್ದ. ಈ ಸಂದರ್ಭ ಮರಳು ತುಂಬಿಸಿಕೊಂಡು ಬರುತ್ತಿದ್ದ ಪಿಕಪ್ ವಾಹನವೊಂದು ರಸ್ತೆ ಬದಿಯಲ್ಲಿ ನಿಂತಿದ್ದ ಬಾಲಕನಿಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿ ಬಾಲಕನ ತಾಯಿಯ ಎದುರೇ ನಡೆದಿದೆ. ಗಂಭೀರವಾಗಿ ಗಾಯಗೊಂಡಿದ್ದ ಬಾಲಕನ್ನು ಆಸ್ಪತ್ರೆಗೆ ಕರೆದೊಯ್ಯುವ ವೇಳೆ ರಸ್ತೆ ಮದ್ಯೆಯೇ ಕೊನೆಯುಸಿರೆಳೆದಿದ್ದಾನೆ ಎಂದು ತಿಳಿದು ಬಂದಿದೆ.