ಮೂಡುಬಿದಿರೆ: ಅಕ್ರಮವಾಗಿ ಜಾನುವಾರ ಸಾಗಾಟ - ವಾಹನ ಸಹಿತ ಆರೋಪಿ ವಶಕ್ಕೆ

•   Wed, Aug 10 2022 10:07:24 AM



• ಮೂಡುಬಿದಿರೆ ಆ 10 (DaijiworldNews/MS): ವಿದ್ಯಾಗಿರಿ ಜಂಕ್ಷನ್ ಬಳಿ ಆ.9 ರಂದು ಪಿಕಪ್ ವ್ಯಾನ್ ನನ್ನು ಪೊಲೀಸ್‌ ಠಾಣೆಯ ಎಸ್‌ಐ ಸಿದ್ದಪ್ಪ, ಎಎಸ್‌ಐ ಕುಮಾರ್‌ ಮತ್ತು ಸಿಬಂದಿ ತಡೆದು ತಪಾಸಣೆಗೊಳಪಡಿಸಿದಾಗ ಅಕ್ರಮವಾಗಿ ಮೂರು ಹಸುಗಳನ್ನು ಸಾಗಿಸುತ್ತಿರುವುದು ಕಂಡುಬಂದಿದೆ.

  ಆರೋಪಿ, ವಾಹನ ಚಾಲಕ ಮೂಡುಬಿದಿರೆ ಲಾಡಿಯ ಸಂದೇಶ ಶೆಟ್ಟಿಯನ್ನು ಪೊಲೀಸರು ವಿಚಾರಿಸಿದಾಗ ಜಾನುವಾರು ಸಾಗಾಟದ ಕುರಿತಾದ ಯಾವುದೇ ಪರವಾನಿಗೆ ಆರೋಪಿ ಬಳಿ ಇರಲಿಲ್ಲ. ಅಲಂಗಾರ್‌ನ ನವೀನ ಅವರ ಫಾರ್ಮ್ನಿಂದ ಕಡಿಮೆ ದರದಲ್ಲಿ ಖರೀದಿಸಿ ಮಾಂಸ ಮಾಡುವ ಉದ್ದೇಶದಿಂದ ಪರಭಾರೆ ಮಾಡಲು ಕೈಕಂಬದತ್ತ ಸಾಗಿಸಲಾಗುತ್ತಿರುವುದನ್ನು ಪೊಲೀಸರು ಖಚಿತ ಪಡಿಸಿ ಕೊಂಡಿದ್ದಾರೆ.

  ಜಾನುವಾರುಗಳು, ವಾಹನ ಮತ್ತು ಸಾಗಾಟದಲ್ಲಿ ತೊಡಗಿಸಿಕೊಂಡಿದ್ದ ಆರೋಪಿಯನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.