ಮಣಿಪಾಲ: ಟಿಪ್ಪರ್ ಡಿಕ್ಕಿಯಾಗಿ ಯುವಕ ಸಾವು

•   Thu, Jan 31 2019 09:40:27 AM



• ಮಣಿಪಾಲ,ಜ 31(MSP): ಟಿಪ್ಪರ್ ಲಾರಿ ಮತ್ತು ಕೆಟಿಎಂ ಬೈಕ್ ಡಿಕ್ಕಿಯಾಗಿ ಬೈಕ್ ಸವಾರ ಉದಯ ಕಿಚನ್ ನೆಕ್ಸ್ಟ್ ನ ಸೂಪರ್ ವೈಸರ್ ಶಶಿರಾಜ್‌‌ ಆಚಾರ್ಯ(29) ಮೃತಪಟ್ಟಿದ್ದಾರೆ. ಶಶಿರಾಜ್ ಅವರು ‌ ಎಂದಿನಂತೆ ತನ್ನ ಬೈಕ್ ನಲ್ಲಿ ಹಾವಂಜೆಯಲ್ಲಿರುವ ಮನೆಯಿಂದ ಇಂಡಸ್ಟ್ರಿಯಲ್ ಏರಿಯಾದ‌ ಉದಯ ಕಿಚನ್ ‌ ಕಡೆಗೆ ಹೋಗುತ್ತಿರುವಾಗ ಬುಧವಾರ ಬೆಳಿಗ್ಗೆ 09 ಗಂಟೆ ಸುಮಾರಿಗೆ ಮಣಿಪಾಲದ ಹುಡ್ಕೋ ಕಾಲೋನಿಯಲ್ಲಿರುವ ಉಡುಪಿ ಕಾಲೇಜ್‌ ಆಫ್ ನರ್ಸಿಂಗ್‌ ಬಳಿ ತಲುಪುವಾಗ ಎದುರಿನಿಂದ ಬಂದ ಕೆಎ-34-5337 ನೇ ಟಿಪ್ಪರ್‌ ಶಶಿರಾಜ್‌‌ ಅವರ ಬೈಕ್ ಗೆ ಢಿಕ್ಕಿ ಹೊಡೆದಿದೆ.

  

  ಪರಿಣಾಮ ಶಶಿರಾಜ್‌‌ ಬೈಕ್ ಸಮೇತ ರಸ್ತೆಗೆ ಬಿದಿದ್ದಾರೆ, ಅದೇ ವೇಳೆ ಟಿಪ್ಪರ್‌ನ ಹಿಂಬದಿಯ ಟಯರ್‌ ಅವರ ಮೈಮೇಲೆ ಹರಿದು ಹೋದ ಪರಿಣಾಮ ಎದೆ ಹಾಗೂ ಹೊಟ್ಟೆಗೆ ತೀವ್ರ ಗಾಯಗಳಾಗಿದೆ. ತಕ್ಷಣ ಅವರನ್ನು ಮಣಿಪಾಲದ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆಗೆ ಸ್ಪಂದಿಸದೇ ಶಶಿರಾಜ್‌ ಮೃತಪಟ್ಟಿದ್ದಾರೆ. ಘಟನೆ ಕುರಿತಂತೆ ಟಿಪ್ಪರ್ ಚಾಲಕ ಮುದುಕಪ್ಪ ಕುಂಬಾರ ಅವರ ವಿರುದ್ದ ಮಣಿಪಾಲ ಠಾಣೆಯಲ್ಲಿ ದೂರು ದಾಖಲಾಗಿದೆ