ಕಾರು-ಬೈಕ್ ಭೀಕರ ಅಪಘಾತ – ಓರ್ವ ಮೃತ್ಯು

•   Fri, Oct 27 2017 11:25:33 AM



• ಕಾಸರಗೋಡು, ಅ 27: ಕಾಸರಗೋಡು ಚಲಿಯಾಂಗೋಡು ಬಳಿ ಅಕ್ಟೊಬರ್ 22 ರಂದು ರಾತ್ರಿ ಕಾರು-ಬೈಕ್ ನಡುವೆ ಭೀಕರ ಅಪಘಾತ ನಡೆದಿದ್ದು, ಗಾಯಗೊಂಡ ವ್ಯಕ್ತಿ ಇಂದು ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ.

  

   

  ಬೇಕಲ ಪರವನಡ್ಕದ ಗೋಪಕುಮಾರ್ (38) ಮೃತಪಟ್ಟವರು. ಅಕ್ಟೊಬರ್ 22 ರಂದು ರಾತ್ರಿ ಕಾಸರಗೋಡು ಚಲಿಯಾಂಗೋಡು ಬಳಿ ಅಪಘಾತ ನಡೆದಿತ್ತು. ಗಂಭೀರ ಸ್ಥಿತಿಯಲ್ಲಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದ ಗೋಪಕುಮಾರ್  ಚಿಕಿತ್ಸೆ ಫಲಕಾರಿಯಾಗದೆ ಇಂದು ಬೆಳಿಗ್ಗೆ ನಿಧನರಾಗಿದ್ದಾರೆ.

  ಮೃತ ಗೋಪಕುಮಾರ್ ಕಾಸರಗೋಡು ಕೆ ಎಸ್ ಅರ್ ಟಿ ಸಿ ಬಸ್ಸು ನಿಲ್ದಾಣ ಸಮೀಪ ಲಾಟರಿ ಮಾರಾಟ ಕೇಂದ್ರದಲ್ಲಿ ಕೆಲಸ ನಿರ್ವಹಿಸುತ್ತಿದ್ದರು. ಈ ಕುರಿತು ಕಾಸರಗೋಡು ನಗರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.