ಕುಂದಾಪುರ ಉಪವಿಭಾಗಕ್ಕೆ ನೂತನ ಉಪವಿಭಾಗಾಧಿಕಾರಿ

•   Tue, Feb 05 2019 04:39:12 PM



• ಕುಂದಾಪುರ, ಫೆ 05(SM):  ತಾಲೂಕಿನ ಕಂದಾಯ ಉಪವಿಭಾಗದ ಉಪವಿಭಾಗಾಧಿಕಾರಿಯಾಗಿ ಕೆ‌ಎ‌ಎಸ್ ಅಧಿಕಾರಿ ಡಾ.ಎಸ್.ಎನ್.ಮಧುಕೇಶ್ವರ ಅಧಿಕಾರವನ್ನು ವಹಿಸಿಕೊಂಡಿದ್ದಾರೆ.

  

  ಧಾರವಾಡದ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಲ್ಲಿ ಭೂಸ್ವಾಧೀನಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದ ಅವರನ್ನು ಸರ್ಕಾರ ಕುಂದಾಪುರದ ಉಪವಿಭಾಗಾಧಿಕಾರಿಯಾಗಿ ವರ್ಗಾವಣೆಗೊಳಿಸಿ ಆದೇಶ ನೀಡಿತ್ತು.

  ಮೈಸೂರು ಮೂಲದವರಾಗಿರುವ ಡಾ.ಎಸ್.ಎನ್.ಮಧುಕೇಶ್ವರ ಈ ಹಿಂದೆ ಉಡುಪಿ ಹಾಗೂ ಭಟ್ಕಳದಲ್ಲಿ ಸೇವೆ ಸಲ್ಲಿಸಿದ್ದರು. ಕುಂದಾಪುರ ತಾಲ್ಲೂಕು ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಅಂಪಾರು ದಿನಕರ ಶೆಟ್ಟಿ ಉಪವಿಭಾಗಾಧಿಕಾರಿಯವರನ್ನು ಸ್ವಾಗತಿಸಿಕೊಂಡರು.