ಮಂಗಳೂರು: ಸೆ.11 ರಂದು ಪುರಭವನದಲ್ಲಿ 'ಸೌಹಾರ್ದ ಸಂಗೀತ' ಕಾರ್ಯಕ್ರಮ

•   Tue, Sep 06 2022 11:31:00 AM



• ಮಂಗಳೂರು, ಸೆ 06 (DaijiworldNews/HR): ಪಂಚಮ್ ಎಂಟರ್ಟೈನರ್ಸ್ ಮತ್ತು ರಾಗ್ ರಂಗ್ ಈವೆಂಟ್ಸ್ ರಿಜಿಸ್ಟ್ರ್ಡ್ ಸಂಸ್ಥೆಯ ಬೋಳೂರು ವಾರ್ಡ್‌ನ ಕಾರ್ಪೊರೇಟರ್ ಜಗದೀಶ್ ಶೆಟ್ಟಿ, ನಿವೃತ್ತ ಅರಣ್ಯಾಧಿಕಾರಿ ಖಾಲಿದ್ ಅಖ್ತರ್, ಮಹಮ್ಮದ್ ಇಕ್ಬಾಲ್, ಫಯಾಜ್ ಖಂದಕ್ ಮತ್ತು ರವೀಂದ್ರ ಪ್ರಭು ಅವರ ಸೌಹಾರ್ದ ಸಂಗೀತ ಕಾರ್ಯಕ್ರಮ ಸೆ.11 ರಂದು ಸಂಜೆ 6 ಗಂಟೆಗೆ ಪುರಭವನದಲ್ಲಿ ಆಯೋಜಿಸಲಾಗಿದೆ.

  

  ಕೋಮು ಸೌಹಾರ್ದತೆ ಮೂಡಿಸಲು ಈ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದ್ದು, ಕಾರ್ಯಕ್ರಮದ ಆತಿಥ್ಯಕ್ಕೆ ತಗಲುವ ವೆಚ್ಚವನ್ನು ಕಡಿತಗೊಳಿಸಿ ಕಾರ್ಯಕ್ರಮದಿಂದ ಸಂಗ್ರಹವಾದ ಮೊತ್ತವನ್ನು ವಿಶೇಷಚೇತನ ಮಕ್ಕಳಿಗೆ ನೀಡಲಾಗುವುದು.

  ಇದೇ ಸಂದರ್ಭದಲ್ಲಿ ಸಂಗೀತ ಮತ್ತು ಸಾಂಸ್ಕ್ರತಿಕ ಕ್ಷೇತ್ರಕ್ಕೆ ತಮ್ಮದೇ ಆದಂತಹಾ ವೈಯಕ್ತಿಕ ಕೊಡುಗೆಯನ್ನು ನೀಡಿರುವ ಸಾಂಸ್ಕ್ರತಿಕ ಕ್ಷೇತ್ರದ ಸಾಧಕರಾದ ಎ.ಕೆ.ವಿಜಯ್, ಕೆ.ಕೆ.ನೌಶಾದ್, ದಾಯ್ಜಿವರ್ಲ್ಡ್ ಸಂಸ್ಥೆಯ ಮುಖೇನ ಸಾಂಸ್ಕೃತಿಕ ಕಲಾವಿದರನ್ನು ಪ್ರೋತ್ಸಾಹಿಸುತ್ತಿರುವ ವಾಲ್ಟರ್ ನಂದಳಿಕೆ ಹೀಗೇ ಸರ್ವ ಧರ್ಮದ ಸಾಂಸ್ಕ್ರತಿಕ ಸಾಧಕರನ್ನು ಗೌರವಿಸಲಾಗುವುದು.

  ಇನ್ನು ಪ್ರವೇಶ ಉಚಿತವಾಗಿರುವ ಕಾರ್ಯಕ್ರಮಕ್ಕೆ ವ್ಯಾಪಕ ಪ್ರಚಾರ ಮತ್ತು ಬೆಂಬಲವನ್ನು ನೀಡುವಂತೆ ಸಂಘಟಕರು ಜನರನ್ನು ವಿನಂತಿಸಿದ್ದಾರೆ.