ಪಡುಬಿದ್ರಿ: ಐಸ್‌ಕ್ರೀಂ ಪಾರ್ಲರ್‌ಗೆ ನುಗ್ಗಿ ಮಾನಭಂಗಕ್ಕೆ ಯತ್ನ: ಬಂಧನ

•   Sun, Feb 10 2019 09:46:11 AM



• ಪಡುಬಿದ್ರಿ, ಫೆ.10 (MSP): ಇಲ್ಲಿನ ಶಾಂತೇರಿ ಪಲ್ಲವಿ ಬಿಲ್ಡಿಂಗ್‌ನ ಕಾಶ್ವಿ‌ ಅಮುಲ್‌ ಐಸ್‌ಕ್ರೀಂ ಪಾರ್ಲರ್‌ಗೆ ನುಗ್ಗಿ ಮಾಲಕಿಯ ಮಾನ ಭಂಗಕ್ಕೆ ಯತ್ನಿಸಿ ಪರಾರಿಯಾಗಿದ್ದ ಆರೋಪಿ ಪಲಿಮಾರು ಮೇಲ್ಮಠ ಮನೆ ನಿವಾಸಿ ಕಬೀರ್‌(23)ನನ್ನು ಪಡುಬಿದ್ರಿ ಪೊಲೀಸರು ಶನಿವಾರ ಪಲಿಮಾರಿನಲ್ಲಿ ಬಂಧಿಸಿದ್ದಾರೆ.

  

  ಪಡುಬಿದ್ರಿ ಹೋಟೆಲ್ ವೊಂದರಲ್ಲಿ ಸಫ್ಲೈಯರ್ ಆಗಿ ಕೆಲಸ ಮಾಡುತ್ತಿದ ಆರೋಪಿ ಕಬೀರ್ ಜ. 20ರಂದು ರಾತ್ರಿಯ ವೇಳೆ ಐಸ್‌ಕ್ರೀಂ ಮಳಿಗೆಗೆ ಬಂದು ಗಡ್‌ಬಡ್‌ಗೆ ಆರ್ಡರ್‌ ಮಾಡಿದ್ದ. ಮಾಲಕಿ ಐಸ್ ಕ್ರೀಂ ಸಿದ್ದ ಪಡಿಸುತ್ತಿದ್ದ ವೇಳೆಗೆ ಈತ ಅಲ್ಲಿ ಯಾರೂ ಇಲ್ಲದ್ದನ್ನು ನೋಡಿ ಉದ್ದೇಶಪೂರ್ವಕವಾಗಿಯೇ ಕುಕೃತ್ಯಕ್ಕೆ ಯತ್ನಿಸಿದ್ದ . ಕೂಡಲೇ ಮಹಿಳೆ ಕೂಗಿದಾಗ ಆತ ಪರಾರಿಯಾಗಿದ್ದ. ಪೊಲೀಸರು ಸಿಸಿಟಿವಿ ದೃಶ್ಯಾವಳಿ ಆಧಾರದಲ್ಲಿ ಆರೋಪಿಯನ್ನು ಪಲಿಮಾರು ಪೇಟೆಯಲ್ಲಿ ಬಂಧಿಸಿದ್ದು, ಆತ ತಪ್ಪೊಪ್ಪಿಕೊಂಡಿದ್ದಾನೆ. ಆರೋಪಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.