ಮಂಗಳೂರು: ಭಾರತ್ ಜೋಡೊ ಯಾತ್ರೆ ಉಸ್ತುವಾರಿಯಾಗಿ ಕೆ.ಹರೀಶ್ ಕುಮಾರ್ ನೇಮಕ

•   Tue, Sep 27 2022 06:48:52 PM



• ಮಂಗಳೂರು, ಸೆ 27 (DaijiworldNews/HR): ಭಾರತ್ ಜೋಡೊ ಯಾತ್ರೆಯ ಉಸ್ತುವಾರಿಯನ್ನಾಗಿ ದ.ಕ. ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ, ವಿಧಾನ ಪರಿಷತ್ ಸದಸ್ಯರಾದ ಕೆ.ಹರೀಶ್ ಕುಮಾರ್ ಅವರನ್ನು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ನೇಮಿಸಿ ಆದೇಶಿಸಿದ್ದಾರೆ.

  'ಭಾರತ್ ಜೋಡೋ' ಯಾತ್ರೆ ಸೆ.30 ರಂದು ಕೇರಳದ ವೈನಾಡು ಮೂಲಕ ಕರ್ನಾಟಕದ ಗಡಿ ಭಾಗ ಗುಂಡ್ಲುಪೇಟೆ ತಲುಪಲಿದ್ದು, ರಾಜ್ಯದ 8 ಜಿಲ್ಲೆಗಳಲ್ಲಿ 21 ದಿನಗಳ ಕಾಲ ಪಾದಯಾತ್ರೆ ನಡೆಯಲಿದೆ.

  ಇನ್ನು ಈ ಹಿನ್ನೆಲೆಯಲ್ಲಿ ಯಾತ್ರೆಯ 2ನೇ ದಿನವಾದ ಅ.1ರಂದು ಗಂಡ್ಲುಪೇಟೆ, ನಂಜನಗೂಡು ಹಾಗೂ ವರುಣಾ ವಿಧಾನಸಭಾ ಕ್ಷೇತ್ರಗಳಲ್ಲಿ ಹರೀಶ್ ಕುಮಾರ್ ಅವರಿಗೆ ಭಾರತ್ ಜೋಡೊ ಉಸ್ತುವಾರಿಯಾಗಿ ಜವಾಬ್ದಾರಿ ನೀಡಲಾಗಿದೆ ಎಂದು ಪ್ರಕಟಣೆಯಲ್ಲು ತಿಳಿಸಲಾಗಿದೆ.