ಕಾಸರಗೋಡು: ಪ್ರತ್ಯೇಕ ಪ್ರಕರಣ- ಮಾದಕ ವಸ್ತು ಸಹಿತ ನಾಲ್ವರ ಬಂಧನ

•   Wed, Oct 05 2022 06:51:40 PM



• ಕಾಸರಗೋಡು, ಅ 05 (DaijiworldNews/MS): ಐದು ಗ್ರಾಂ ಎಂಡಿಎಂಎ ಮಾದಕ ವಸ್ತು ಸಹಿತ ಓರ್ವನನ್ನು ಮಂಜೇಶ್ವರ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

  ಚೇವಾರಿನ ಅಸರ್ ( 32) ಬಂಧಿತ ಆರೋಪಿ. ಉಪ್ಪಳ ನಯಾಬಜಾರ್ ಸಮೀಪ ಮಾದಕ ವಸ್ತು ಹಸ್ತಾಂತರಿಸುತ್ತಿದ್ದಾಗ ದಾಳಿ ನಡೆಸಿದ ಪೊಲೀಸರು ಈತನ ದೇಹದಲ್ಲಿ ಬಚ್ಚಿಟ್ಟಿದ್ದ ಮಾದಕ ವಸ್ತುವನ್ನು ವಶಪಡಿಸಿಕೊಂಡಿದ್ದಾರೆ. ಖಚಿತ ಮಾಹಿತಿಯಂತೆ ಕಾರ್ಯಾಚರಣೆ ನಡೆಸಲಾಯಿತು .

  ಮತ್ತೊಂದು ಪ್ರಕರಣದಲ್ಲಿ ವಸತಿಗೃಹವೊಂದಕ್ಕೆ ದಾಳಿ ನಡೆಸಿದ ಡಿವೈಎಸ್ಪಿಪಿ ಬಾಲಕೃಷ್ಣನ್ ನಾಯರ್ ನೇತೃತ್ವದ ಪೊಲೀಸರು ಮೂವರನ್ನು ಬಂಧಿಸಿ 3.600 ಗ್ರಾಂ ಗಾಂಜಾವನ್ನು ವಶಪಡಿಸಿಕೊಂಡಿದ್ದಾರೆ.

  ಕರಿವೆಳ್ಳೂರಿನ ಟಿ. ಮುಹಮ್ಮದ್ ಸಫ್ವಾನ್ ( 24), ಚೆರ್ವತ್ತೂರು ಪಯ್ಯಂಗಿಯ ಎಂ . ಸಿ ಅಬ್ದುಲ್ ಖಾದರ್ ( 29) , ತೃಕ್ಕರಿಪುರ ದ ಟಿ . ಪಿ ಮುಹಮ್ಮದ್ ಆಫ್ಸಲ್ ( 25) ಬಂಧಿತರು.

  ಮಾದಕ ವಸ್ತು ಸರಬರಾಜಿಗೆ ಬಳಸುತ್ತಿದ್ದ ಬುಲೆಟ್ ಬೈಕ್ ನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.