ಕೋಟ: ಅಮಾನತಿನಲ್ಲಿದ್ದ ಕೋರ್ಟ್ ಅಟೆಂಡರ್ ಮೃತ್ಯು - ಆತ್ಮಹತ್ಯೆ ಶಂಕೆ

•   Sun, Oct 09 2022 08:27:18 AM



• ಕೋಟ, ಅ 09 (DaijiworldNews/HR): ಅಮಾನತಿನಲ್ಲಿದ್ದ ನ್ಯಾಯಾಲಯದ ಅಟೆಂಡರ್ ಮನೆಯ ತೋಟದ ಕೆರೆಗೆ ಆಕಸ್ಮಿಕವಾಗಿಯೋ ಅಥವಾ ಆತ್ಮಹತ್ಯೆ ಮಾಡಿಕೊಳ್ಳುವ ಉದ್ದೇಶದಿಂದಲೋ ಬಿದ್ದು ಮೃತಪಟ್ಟಿರುವ ಘಟನೆ ಮೊಳಹಳ್ಳಿ ಯಡಾಳಬೆಟ್ಟು ಎಂಬಲ್ಲಿ ನಡೆದಿದೆ.

  ಮೃತರನ್ನು ಯಡಾಳಬೆಟ್ಟುವಿನ ನವೀನ ಶೆಟ್ಟಿ(32) ಎಂದು ಗುರುತಿಸಲಾಗಿದೆ.

  ಸುಮಾರು 7 ವರ್ಷಗಳಿಂದ ನ್ಯಾಯಾಲಯದಲ್ಲಿ ಅಟೆಂಟರ್ ಆಗಿ ಕೆಲಸ ಮಾಡಿಕೊಂಡಿದ್ದ ನವೀನ ಶೆಟ್ಟಿ ಸುಮಾರು ಒಂದೂವರೆ ವರ್ಷಗಳಿಂದ ಅಮಾನತಿನಲ್ಲಿದ್ದರು. ಇದೇ ವಿಚಾರದಲ್ಲಿ ಮಾನಸಿಕ ಖಿನ್ನತೆಗೆ ಒಳಗಾಗಿದ್ದು, ಮನೆಯ ತೋಟದ ಕೆರೆಗೆ ಆಕಸ್ಮಿಕವಾಗಿಯೋ ಅಥವಾ ಆತ್ಮಹತ್ಯೆ ಮಾಡಿಕೊಳ್ಳುವ ಉದ್ದೇಶದಿಂದಲೋ ಬಿದ್ದು ಮೃತಪಟ್ಟಿದ್ದಾರೆ.

  ಈ ಬಗ್ಗೆ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.