ಮಂಗಳೂರು: ಆತ್ಮಹತ್ಯೆಗೈದ ಸ್ಥಿತಿಯಲ್ಲಿ ಯುವ ದಂಪತಿಯ ಮೃತದೇಹಗಳು ಪತ್ತೆ

•   Mon, Oct 10 2022 12:33:07 PM



• ಮಂಗಳೂರು, ಅ 10 (DaijiworldNews/HR): ಯುವ ದಂಪತಿಗಳು ತಮ್ಮ ನಿವಾಸದಲ್ಲಿ ಫ್ಯಾನ್‌ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಅಕ್ಟೋಬರ್ 10 ಸೋಮವಾರದಂದು ನಗರದ ಮರೋಳಿಯ ಅಪಾರ್ಟ್‌‌ಮೆಂಟ್ ವೊಂದರಲ್ಲಿ ನಡೆದಿದೆ.

  

  ಮೃತರನ್ನು ಮಲ್ಲಿಕಾರ್ಜುನ್ (35) ಮತ್ತು ಸೌಮ್ಯ (34) ಎಂದು ಗುರುತಿಸಲಾಗಿದೆ.

  ಮಲ್ಲಿಕಾರ್ಜುನ ಗ್ರಾಫಿಕ್ ಡಿಸೈನರ್ ಆಗಿದ್ದರೆ, ಸೌಮ್ಯಾ ತಾತ್ಕಾಲಿಕ ನೆಲೆಯಲ್ಲಿ ಕೆಪಿಟಿಯಲ್ಲಿ ಶಿಕ್ಷಕಿಯಾಗಿ ಸೇವೆ ಸಲ್ಲಿಸುತ್ತಿದ್ದರು.

  ಮಲ್ಲಿಕಾರ್ಜುನ್ ಮೊದಲು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಇದೇ ವಿಷಯವನ್ನು ಸೌಮ್ಯಾ ತನ್ನ ಸಂಬಂಧಿಕರಿಗೆ ತಿಳಿಸಿದ್ದಾರೆ. ಸಂಬಂಧಿಕರು ದಂಪತಿಯ ಮನೆಗೆ ಬರುವ ಮುನ್ನ ಸೌಮ್ಯಾ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.

  ಈ ಬಗ್ಗೆ ಕಂಕನಾಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ.