ಮಂಗಳೂರು: 'ವೆಲೆಂಟೈನ್ಸ್ ಡೇ ಹಿನ್ನಲೆ '- ಫ್ಲವರ್ ಶಾಪ್ ಮೇಲೆ ಕಿಡಿಗೇಡಿಗಳ ದಾಳಿ- ದಾಂಧಲೆ

•   Thu, Feb 14 2019 02:00:52 PM



• ಮಂಗಳೂರು, ಫೆ 14(MSP): ಪ್ರೇಮಿಗಳ ದಿನಾಚರಣೆ ಹಿನ್ನೆಲೆಯಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಮಂಗಳೂರಿನಲ್ಲಿ ಬಿಗು ಪೊಲೀಸ್ ಬಂದೋಬಸ್ತ್ ನಡೆಸಿರುವ ಮಧ್ಯೆಯೂ ಫೆ.14ರ ಗುರುವಾರ, ಮೂವರು ಕಿಡಿಗೇಡಿಗಳು ನಗರದ ಫ್ಲವರ್ ಶಾಪ್ ನುಗ್ಗಿ ದಾಂಧಲೆ ನಡೆಸಿ, ಅಂಗಡಿಯೊಳಗೆ ಇದ್ದ ಗುಲಾಬಿ ಹೂ, ಹಾಗೂ ಹೂಕುಂಡ ಮತ್ತಿತರ ಸೊತ್ತುಗಳನ್ನು ಹಾನಿ ಮಾಡಿದ್ದಾರೆ.

  

  

  

  ಕರಂಗಲ್ಪಾಡಿಯಲ್ಲಿರುವ ಐರೀಶ್ ಹೂ ಗುಚ್ಛ ಶಾಪ್‌ಗೆ ನುಗ್ಗಿದ ಮೂವರು ಹಿಂಧೂ ಸಂಘಟನೆ ಕಾರ್ಯಕರ್ತರು ಈ ಕೃತ್ಯ ಎಸಗಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಬೈಕ್‌ನಲ್ಲಿ ಆಗಮಿಸಿದ ಮೂವರು ಕಿಡಿಗೇಡಿಗಳು ಗುಲಾಬಿಗಳಿಂದ ಶೃಂಗರಿಸಿದ್ದ ಅಂಗಡಿ ಹಾಗೂ ಅಲಂಕರಿಸಿ ಇಟ್ಟಿದ್ದ ಸೈಕಲನ್ನು ಹಾನಿಗೊಳಿಸಿದ್ದಾರೆ. ವೆಲೆಂಟೈನ್ಸ್ ಡೇ ವಿರೋಧಿಸಿ ಕಿಡಿಗೇಡಿಗಳು ಈ ಕೃತ್ಯ ಎಸಗಿದ್ದಾರೆ ಎಂದು ಅಂಗಡಿ ಮಾಲಕರು ದೂರಿದ್ದಾರೆ. ಸ್ಥಳಕ್ಕೆ ಕದ್ರಿ ಪೊಲೀಸರ ಆಗಮಿಸಿದ್ದು ಅಂಗಡಿಯ ಸಿಸಿಟಿವಿ ಪರಿಶೀಲನೆ ನಡೆಸಿದ್ದಾರೆ.