ಮಂಗಳೂರು: ನಾಳೆ ಹೋರಾಟ ಸಮಿತಿಯಿಂದ ಸುರತ್ಕಲ್ ಟೋಲ್ ಗೇಟ್ ಗೆ ಮುತ್ತಿಗೆ

•   Mon, Oct 17 2022 09:32:54 PM



• ಮಂಗಳೂರು, ಅ 17 (DaijiworldNews/SM): ನಿರಂತರ ವಿರೋಧದ ನಡುವೆಯೂ ಕೂಡ ಕಾರ್ಯಾಚರಿಸುತ್ತಿರುವ ಸುರತ್ಕಲ್ ಟೋಲ್ ಗೇಟ್ ತೆರವುಗೊಳಿಸಬೇಕುನ್ನುವ ಒತ್ತಾಯಗಳು ಮುಂದುವರೆದಿದೆ. ಈ ನಡುವೆ ಟೋಲ್ ಗೇಟ್ ಗೆ ಮುತ್ತಿಗೆ ಹಾಕಲು ಟೋಲ್ ವಿರೋಧಿ ಹೋರಾಟ ಸಮಿತಿ ಸಿದ್ಧತೆಯನ್ನು ಮಾಡಿಕೊಂಡಿದೆ. ಅ. 18ರ ಮಂಗಳವಾರದಂದು ಹೋರಾಟ ಸಮಿತಿ ಮುತ್ತಿಗೆ ಹಾಕಲಿದೆ.

  ನಾಳೆ ಬೆಳಗ್ಗೆ 9 ಗಂಟೆಗೆ ಟೋಲ್‌ಗೇಟ್ ಮುಂಭಾಗದಲ್ಲಿ ಹೋರಾಟ ಸಮಿತಿಯವರು ಜಮಾವಣೆಯಾಗಲಿದ್ದಾರೆ. ಪ್ರತಿಭಟನೆ 9.30 ಕ್ಕೆ ಆರಂಭಗೊಳಿಸಲು ಚಿಂತನೆ ನಡೆಸಲಾಗಿದೆ. ನೇರವಾಗಿ ಟೋಲ್‌ಗೇಟ್‌ಗೆ ಮುತ್ತಿಗೆ ಹಾಕುವ ಯೋಜನೆಯನ್ನು ಹೋರಾಟ ಸಮಿತಿ ಹೊಂದಿದೆ. ಟೋಲ್‌ಸಂಗ್ರಹಕ್ಕೆ ತಡೆ ಹಾಗೂ ಶಾಶ್ವತವಾಗಿ ಟೋಲ್ ಸಂಗ್ರಹ ನಿಲ್ಲಿಸುವ ಆದೇಶ ನೀಡುವಂತೆ ಹೋರಾಟ ಸಮಿತಿ ಒತ್ತಾಯಿಸಿದೆ.

  ನಾಳೆಯಿಂದಲೇ ಟೋಲ್ ಸಂಗ್ರಹ ನಿಲ್ಲಬೇಕು. ಅಲ್ಲಿ ತನಕ ಸ್ಥಳದಲ್ಲಿ ನಿರಂತರ ಹೋರಾಟ ನಡೆಸುತ್ತೇವೆ. ನಾಯಕರ ಬಂಧನ ನಡೆಸಿದ್ರೂ ಹೋರಾಟ ಮುಂದುವರಿಸಲು ನಿರ್ಧಾರವನ್ನು ಸಮಿತಿ ಕೈಗೊಂಡಿದೆ.