ಕಾಸರಗೋಡು: 70 ರ ವೃದ್ಧನಿಂದ 10ರ ಬಾಲಕಿಗೆ ಲೈಂಗಿಕ ಕಿರುಕುಳಕ್ಕೆ ಯತ್ನ - ಆರೋಪಿ ಸೆರೆ

•   Sun, Feb 17 2019 02:56:59 PM



• ಕಾಸರಗೋಡು,ಫೆ 17(MSP): ಹತ್ತರ ಹರೆಯದ ಬಾಲಕಿಗೆ ಕಾರಿನೊಳಗೆ ಕಿರುಕುಳ ನೀಡಲೆತ್ನಿಸಿದ ಆರೋಪದಲ್ಲಿ 70 ರ ಹರೆಯದ ವೃದ್ಧನನ್ನು ಆದೂರು ಪೊಲೀಸರು ಬಂಧಿಸಿದ್ದಾರೆ. ಬಂಧಿತನನ್ನು ಕಾರು ಬ್ರೋಕರ್ , ಮುಳ್ಳೇರಿಯದ ಶೇಕ್ ಅಬ್ದುಲ್ ಕರೀಂ ಎಂದು ಗುರುತಿಸಲಾಗಿದೆ.

  

  ಬಾಲಕಿ ನಡೆದುಕೊಂಡು ಶಾಲೆಗೆ ಹೋಗುತ್ತಿದ್ದ , ಶಾಲೆಗೆ ಬಿಡುವುದಾಗಿ ಹೇಳಿ ಕಾರಿಗೆ ಹತ್ತಿಸಿಕೊಂಡ ಆರೋಪಿ ಶಾಲೆ ಬಳಿ ಕಾರು ನಿಲ್ಲಿಸಿ ಕೃತ್ಯಕ್ಕೆ ಮುಂದಾಗಿದ್ದಾನೆ. ಇದನ್ನು ಗಮನಿಸಿದ ಸ್ಥಳೀಯರು ತಕ್ಷಣ ಪೊಲೀಸರಿಗೆ ವಿಷಯ ತಿಳಿಸಿದ್ದು, ಪೊಲೀಸರು ಸ್ಥಳಕ್ಕೆ ಧಾವಿಸಿ ವೃದ್ದನನ್ನು ಬಂಧಿಸಿದ್ದಾರೆ.