ಮಂಗಳೂರು: ಅಕ್ರಮ ಸಾಗಾಟ -1.59 ಕೋಟಿ ರೂ. ಮೌಲ್ಯದ ಚಿನ್ನ ವಶ

•   Sat, Oct 22 2022 11:47:49 AM



• ಮಂಗಳೂರು: ಅ 22(DaijiworldNews/MS): ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಕಸ್ಟಮ್ಸ್ ಅಧಿಕಾರಿಗಳು ಅ.8 ರಿಂದ ಅ. 21 ರವರೆಗೆ ದುಬೈನಿಂದ ಆಗಮಿಸಿದ ಐವರು ಪ್ರಯಾಣಿಕರಿಂದ 1,59,66,883 ರೂ.ಮೌಲ್ಯದ 3124.540 ಗ್ರಾಂ 24 ಕ್ಯಾರೆಟ್ ನ ಚಿನ್ನವನ್ನು ವಶಪಡಿಸಿಕೊಂಡಿದ್ದಾರೆ.

  ಜೀನ್ಸ್ ಒಳಗೆ ಘನ ರೂಪದ ಗಮ್, ಒಳ ಉಡುಪು, ಗುದನಾಳದಲ್ಲಿ ಮತ್ತು ಚಿನ್ನವನ್ನು ಹೊಂದಿರುವ ಕೆಲವು ದ್ರಾವಣದಲ್ಲಿ ಅದ್ದಿದ ಟವೆಲ್‌ಗಳ ಮೂಲಕ ಪೇಸ್ಟ್ ಹಾಗೂ ಪೌಡರ್ ರೂಪದಲ್ಲಿ ಮರೆಮಾಚಿ ಹೀಗೆ ವಿವಿಧ ವಿಧಾನಗಳ ಮೂಲಕ ಚಿನ್ನವನ್ನು ಕಳ್ಳಸಾಗಣೆ ಮಾಡಲಾಗುತ್ತಿತ್ತು.