ಮಂಗಳೂರು: ಸಿಡಿಲು ಬಡಿದು ಗೃಹೋಪಯೋಗಿ ವಸ್ತುಗಳಿಗೆ ಹಾನಿ

•   Sun, Oct 23 2022 06:08:39 PM



• ಮಂಗಳೂರು, ಅ 23 (daijiworldNews/HR): ಮೂಡುಬಿದಿರೆ ತಾಲೂಕಿನ ಪಡುಮಾರ್ನಾಡು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಬನ್ನಡ್ಕ ಎಂಬಲ್ಲಿ ಅಕ್ಟೋಬರ್ 21 ರಂದು ಸಿಡಿಲು ಬಡಿದು ಮನೆಗೆ ಅಪಾರ ಹಾನಿ ಸಂಭವಿಸಿದೆ.

  

  ಸಿಡಿಲು ಬಡಿದು ಸುಜಾತಾ ಎಂಬುವರ ಮನೆಯ ವಿದ್ಯುತ್‌ ಸ್ವಿಚ್‌ಬೋರ್ಡ್‌ ಹಾಗೂ ವಯರಿಂಗ್‌ ಸಂಪೂರ್ಣ ಸುಟ್ಟು ಕರಕಲಾಗಿದೆ. ಜತೆಗೆ 50 ಸಾವಿರ ಮೌಲ್ಯದ ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ ಗೃಹೋಪಯೋಗಿ ವಸ್ತುಗಳು ಹಾನಿಗೀಡಾಗಿವೆ.

  ದುರ್ಘಟನೆ ಸಂಭವಿಸಿದಾಗ ಸುಜಾತಾ ಮತ್ತು ಆಕೆಯ ತಾಯಿ ಮನೆಯೊಳಗಿದ್ದರು ಆದರೆ ಇಬ್ಬರೂ ಅಪಾಯದಿಂದ ಪಾರಾಗಿದ್ದಾರೆ.

  ಮನೆಯ ಪಕ್ಕದ ನಾಗ ಬನಕ್ಕೂ ಸಿಡಿಲು ಬಡಿದು ಭಾಗಶಃ ಹಾನಿಯಾಗಿದ್ದು, ಪಂಚಾಯಿತಿ ಪಿಡಿಒ ಅನಿಲ್ ಮನೆಗೆ ಭೇಟಿ ನೀಡಿ ಸ್ಥಳ ಪರಿಶೀಲನೆ ನಡೆಸಿದರು.