ಮಂಗಳೂರು: ಗ್ರಹಣ ಅನ್ನೋದು ಸ್ವಾಭಾವಿಕ ಪ್ರಕ್ರಿಯೆ-ಪ್ರೊ. ನರೇಂದ್ರ ನಾಯಕ್

•   Tue, Oct 25 2022 08:24:06 PM



• ಮಂಗಳೂರು, ಅ 25 (daijiworldNews/SM): ಇಂದು ದೇಶದ ಅನೇಕ ಕಡೆಗಳಲ್ಲಿ ಸೂರ್ಯಗ್ರಹಣ ಗೋಚರವಾಗಿದೆ. ಈ ಬಗ್ಗೆ ಮಂಗಳೂರಿನಲ್ಲಿ ವಿಚಾರವಾದಿ ನರೇಂದ್ರ ನಾಯಕ್ ಅವರು ಪ್ರತಿಕ್ರಿಯೆ ನೀಡಿದ್ದು, ಇದೊಂದು ಸ್ವಾಭಾವಿಕ ಪ್ರಕ್ರಿಯೆ ಎಂದು ಹೇಳಿದ್ದಾರೆ.

  
  ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ರಾಹು ನುಂಗಿದ, ಕೇತು ನುಂಗಿದ ಅಪಾಯ ಇದೆ. ಊಟ, ತಿಂಡಿ ವಿಷ ಆಗುತ್ತೆ ಅನ್ನೋದು ಮೂಢನಂಬಿಕೆ ಅನೇಕರಲ್ಲಿದೆ. ನಕ್ಷತ್ರ ದೋಷ, ರಾಶಿ ದೋಷ ಎಂದು ಭಯ ಹುಟ್ಟಿಸಲಾಗುತ್ತಿದೆ. ಜನರಲ್ಲಿ ಭಯ ಹುಟ್ಟಿಸಿ ಹಣ ಮಾಡುವವರು ಅನೇಕರಿದ್ದಾರೆ ಎಂದು ವಿಚಾರವಾದಿ ನರೇಂದ್ರ ನಾಯಕ್ ಹೇಳಿದ್ದಾರೆ.

  ಇನ್ನು ಗ್ರಹಣ ಸಂದರ್ಭ ತೆರೆದ ಸ್ಥಳದಲ್ಲಿ ಆಹಾರ ಸೇವನೆ ಮಾಡಿ, ಈಜು ಕೊಳದಲ್ಲಿ ಈಜಾಟ ನಡೆಸಿ ಗ್ರಹಣ ಸಂಭ್ರಮಾಚರಣೆ ಮಾಡಲಾಯಿತು. ಏಯ್ಡ್ ವಿದೌಟ್ ರಿಲೀಜನ್ ಟ್ರಸ್ಟ್ ವತಿಯಿಂದ ಆಯೋಜನೆ ಮಾಡಲಾಗಿತ್ತು.