ಕುಂದಾಪುರ: ಸತ್ತ ಮೇಲೂ ತಪ್ಪದ ಪರದಾಟ - ಹೆಣ ಹೊರಲೂ ಇಲ್ಲಿ ಜಾಗವಿಲ್ಲ!

•   Fri, Oct 28 2022 03:46:24 PM



• ಕುಂದಾಪುರ,ಅ 28 (DaijiworldNews/MS): ಇಲ್ಲಿನ ಪುರಸಭೆ ವ್ಯಾಪ್ತಿಯ ಕೇರಿಯ ಮೇಲ್‌ಕೇರಿಯಲ್ಲಿ ರಸ್ತೆ ಯಿಲ್ಲದೆ, ಮನೆಯಿಂದ ಸ್ಮಶಾನಕ್ಕೆ ಮೃತದೇಹವನ್ನು ಸಾಗಿಸಲು ಹೆಣಗಾಟ ನಡೆಸಿದ ಪ್ರಸಂಗ ಗುರುವಾರ ನಡೆದಿದೆ.

  ಕುಂದಾಪುರ ಪುರಸಭೆ ವ್ಯಾಪ್ತಿಯ ಎರಡನೇ ವಾರ್ಡ್ ನ ಖಾರ್ವಿಕೇರಿಯ ಮೇಲ್‌ಕೇರಿಯ ಸದಾನಂದ ಖಾರ್ವಿ (67) ಅವರು .27 ರಂದು ಸಾವನ್ನಪ್ಪಿದ್ದು, ಅವರ ಮೃತದೇಹವನ್ನು ಮನೆಯಿಂದ ಚಿಕ್ಕನ್‌ಸಾಲ್‌ನಲ್ಲಿರುವ ರುದ್ರಭೂಮಿಗೆ ಸಾಗಿಸಲು ಮನೆ ಯಿಂದ ಮುಖ್ಯ ರಸ್ತೆಯವರೆಗೆ ಸುಮಾರು 100 ಮೀ. ದೂರದವರೆಗೆ ರಸ್ತೆಯಿಲ್ಲದೆ ಹೊತ್ತುಕೊಂಡೇ ಸಾಗಿದ್ದಾರೆ.

  *ರಸ್ತೆಯಿಲ್ಲದೆ ಸಮಸ್ಯೆ* : ಮೇಲ್ ಕೇರಿಯಲ್ಲಿ 18 ಮನೆಗಳಿಗೆ ಮನೆಗಳಲ್ಲಿ ಯಾರೇ ಸಾವನ್ನಪ್ಪಿದರೂ, ರಸ್ತೆಯಿಲ್ಲದೆ ಎಲ್ಲದಕ್ಕೂ ತುಂಬಾ ಸಮಸ್ಯೆಯಾಗುತ್ತಿದ್ದು, ಈ ರೀತಿಯ ಘಟನೆ ಇದೇ ಮೊದಲಲ್ಲ. ಇಲ್ಲಿನ ಮನೆಗಳಲ್ಲಿ ಯಾರೇ ಸಾವನ್ನಪ್ಪಿದರೂ ಇದೇ ರೀತಿ ಹೊತ್ತುಕೊಂಡೇ ಸಾಗಬೇಕಾದ ಸ್ಥಿತಿಯಿದೆ. ಸುಡುಗಾಡು ತೋಡಿನಿಂದಾಗಿ ಈಗಂತೂ ಸೊಳ್ಳೆಗಳ ಕಾಟವೂ ವಿಪರೀತವಾಗಿದೆ ಎನ್ನುತ್ತಾರೆ ಇಲ್ಲಿನ ನಿವಾಸಿ ದಿನೇಶ್.

  ಅಲ್ಲಿ ಮೊದಲಿನಿಂದಲೂ ಕಾಲು ದಾರಿಯಿದ್ದು ರಸ್ತೆ ನಿರ್ಮಿಸಲು ಜಾಗದ ಕೊರತೆಯಿದೆ. ಎಲ್ಲ ಮನೆಯವರು ಹೊಂದಾಣಿಕೆ ಮಾಡಿಕೊಂಡು, ಜಾಗ ಮಾಡಿಕೊಟ್ಟರೆ, ಪುರಸಭೆಯ ಸಾಮಾನ್ಯ ಸಭೆಯಲ್ಲಿ ರಸ್ತೆ ನಿರ್ಮಾಣದ ಬಗ್ಗೆ ಗಮನಸೆಳೆಯಲಾಗುವುದು ಎಂದು ಪುರಸಭೆ ಮುಖ್ಯಾಧಿಕಾರಿ ಕೆ. ಗೋಪಾಲಕೃಷ್ಣ ಶೆಟ್ಟಿ ತಿಳಿಸಿದ್ದಾರೆ.