ಗಂಗೊಳ್ಳಿ: ಅರಾಟೆ ಸೇತುವೆ ಬಳಿ ಭೀಕರ ಅಪಘಾತದಲ್ಲಿ ಬೈಕ್ ಸವಾರ ಸಾವು- 2 ಕಿ.ಮೀ ದೂರದಲ್ಲಿ ಪತ್ತೆಯಾದ ಬೈಕ್

•   Tue, Feb 19 2019 12:12:31 PM



• ಕುಂದಾಪುರ, ಫೆ19 (MSP): ಅರಾಟೆ ಸೇತುವೆ ಬಳಿ ಅಪರಿಚಿತ ವಾಹನವೊಂದು ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸಾವಾರ ಸಾವನ್ನಪ್ಪಿದ ಘಟನೆ ಫೆ.19 ಮಂಗಳವಾರ ಬೆಳಕಿಗೆ ಬಂದಿದೆ. ಮೃತಪಟ್ಟ ಯುವಕ ಗಂಗೊಳ್ಳಿ ಮೂಲದವರಾಗಿದ್ದು ಬಾವಿಕಟ್ಟೆ ನಿವಾಸಿ ಗಣೇಶ್ ಎಂಬವರ ಪುತ್ರ ವಿಖ್ಯಾತ್ (24)ಎಂದು ಗುರುತಿಸಲಾಗಿದೆ.

  

  

  

  

  

  ಕುಂದಾಪುರ ತಾಲೂಕಿನ ಆರಾಟೆ ಸೇತುವೆ ಮೇಲೆ ಅಪಘಾತ ನಡೆದಿದ್ದು ಡಿಕ್ಕಿಯ ತೀವ್ರತೆಗೆ ಬೈಕ್ ಸವಾರನ ದೇಹ ನುಜ್ಜು ಗುಜ್ಜಾಗಿದೆ. ಅಲ್ಲದೆ ಡಿಕ್ಕಿ ಹೊಡೆದ ವಾಹನ ಸ್ಥಳದಿಂದ ಸುಮಾರು 2 ಕಿಲೋಮೀಟರ್ ದೂರ ಅಂದರೆ ಸೇತುವೆಯಿಂದ ಹೆಮ್ಮಾಡಿ ತನಕ ಬೈಕ್ ನ್ನು ಎಳೆದೊಯ್ದಿದೆ. ಡಿಕ್ಕಿ ಹೊಡೆದ ಅಪರಿಚಿತ ವಾಹನ ಪರಾರಿಯಾಗಿದ್ದು ಪೊಲೀಸರು ಶೋಧ ಕಾರ್ಯದಲ್ಲಿ ತೊಡಗಿದ್ದಾರೆ.

  ಸ್ಥಳಕ್ಕೆ ಗಂಗೊಳ್ಳಿ ಪೊಲೀಸರ ಭೇಟಿ ನೀಡಿ ಪ್ರಕರಣ ದಾಖಲಿಸಿದ್ದಾರೆ. ಹೆದ್ದಾರಿಯಲ್ಲಿ ಅನಾಥವಾಗಿ ಬಿದ್ದಿದ್ದ ಮೃತದೇಹವನ್ನು ಪೊಲೀಸ್ ಸಿಬ್ಬಂದಿ ಹಾಗೂ ಗಂಗೊಳ್ಳಿ ೨೪ ತ್ ಹೆಲ್ಪ್ ಲೈನ್ ಸ್ವಯಂಸೇವಕರ ಸಹಾಯದಿಂದ ಮೃತದೇಹ ವನ್ನು ಅಸ್ಪತ್ರೆ ಗೆ ಸಾಗಿಸಿದರು.

  ಮೃತ ಯುವಕ ಕುಂದಾಪುರದ ಹೊಟೇಲವೊಂದರಲ್ಲಿ ಕೆಲಸಕ್ಕಿದ್ದು ,ತಡರಾತ್ರಿ 12.30 ಸುಮಾರಿಗೆ ಅಪಘಾತ ನಡೆದಿರುವ ಶಂಕೆ ವ್ಯಕ್ತವಾಗಿದೆ.