ಮಂಗಳೂರು: ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದ ವಾಹನಕ್ಕೆ ಢಿಕ್ಕಿಯಾದ ಕಾರು: ಓರ್ವ ಗಂಭೀರ

•   Mon, Feb 25 2019 02:49:48 PM



• ಮಂಗಳೂರು,ಫೆ 25(MSP): ನಿಲ್ಲಿಸಿದ್ದ ಟೆಂಪೋ ವಾಹನಕ್ಕೆ ಕಾರೊಂದು ಢಿಕ್ಕಿಯಾಗಿ ಓರ್ವ ತೀವ್ರವಾಗಿ ಗಾಯಗೊಂಡ ಘಟನೆ ನಗರದ ಪದವಿನಂಗಡಿಲ್ಲಿ ಫೆ.25ರ ಸೋಮವಾರ ನಡೆದಿದೆ.

  
  
  
  
  
  
  
  
  
  
  
  
  

  ಮಸಾಲೆ ಉತ್ಪನ್ನಗಳನ್ನು ಅಂಗಡಿಗಳಿಗೆ ಸರಬರಾಜು ಮಾಡಲೆಂದು ಬಂದ ಟೆಂಪೋ ವಾಹನವನ್ನು ರಸ್ತೆ ಬದಿಯಲ್ಲಿ ನಿಲ್ಲಿಸಲಾಗಿತ್ತು. ಈ ವೇಳೆ ಕಾವೂರು ಕಡೆಯಿಂದ ಅತಿವೇಗದಲ್ಲಿ ಬಂದ ಕೆ.ಎ 20 ಎಂ.ಎ 66 ನೋಂದಣಿ ಸಂಖ್ಯೆಯ ಕಾರು ನಿಲ್ಲಿಸಿದ್ದ ಟೆಂಪೋಗೆ ಹಿಂಬದಿಯಿಂದ ಢಿಕ್ಕಿ ಹೊಡೆದಿದೆ. ಅಪಘಾತದ ರಭಸಕ್ಕೆ ನಿಲ್ಲಿಸಿದ್ದ ಟೆಂಪೋ ರಸ್ತೆಗೆ ಸಂಪೂರ್ಣವಾಗಿ ಮಗುಚಿ ಬಿದ್ದಿದೆ.

  ಕಾರಿನ ಮುಂಭಾಗ ಸಂಪೂರ್ಣ ನಜ್ಜುಗುಜ್ಜಾಗಿದ್ದು, ಕಾರಿನಲ್ಲಿದ್ದ ಪ್ರಯಾಣಿಕರೋರ್ವರಿಗೆ ಗಂಭೀರ ಸ್ವರೂಪದ ಗಾಯಗಳಾಗಿದೆ. ಕಾರು ಚಾಲಕ ಗಾಯಗಳಿಲ್ಲದೆ ಪಾರಾಗಿದ್ದಾನೆ. ಸ್ಥಳಕ್ಕೆ ಕಾವೂರು ಪೊಲೀಸರು ಧಾವಿಸಿದ್ದು ಪರಿಶೀಲಿಸಿದ್ದಾರೆ.