'ವಿಂಗ್ ಕಮಾಂಡರ್ ಅಭಿನಂದನ್ ' ಸುರಕ್ಷತೆಗಾಗಿ ಕರಾವಳಿಯ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆ

•   Thu, Feb 28 2019 02:32:57 PM



• ಮಂಗಳೂರು,ಫೆ 28(MSP): ಪಾಕ್ ವಶದಲ್ಲಿರುವ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರು ಸುರಕ್ಷಿತವಾಗಿ ಮರಳಿ ಭಾರತಕ್ಕೆ ವಾಪಾಸ್ ಬರಲಿ ಎಂದು ಕರಾವಳಿಯಲ್ಲಿನ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಯಿತು.ವಿಶ್ವ ಹಿಂದೂ ಪರಿಷತ್ ಬಜರಂಗದಳ ಶ್ರೀ ವೈದ್ಯನಾಥ ಛತ್ರಪತಿ ಶಾಖೆ, ಉಳ್ಳಾಲ್ ಬೈಲ್ ಹಾಗೂ ವಾಸುಕೀ ಶಾಖೆ ತೊಕ್ಕೊಟ್ಟು ಕಾರ್ಯಕರ್ತರು ಅಭಿನಂದನ್ ಹಾಗೂ ಗಡಿಯಲ್ಲಿ ದೇಶದ ರಕ್ಷಣೆಗೆ ಹೋರಾಡುತ್ತಿರುವ ಭಾರತದ ಯೋಧರಿಗಾಗಿ ಉಳ್ಳಾಲ ಸೋಮೇಶ್ವರ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಪ್ರಾರ್ಥನೆ ಸಲ್ಲಿಸಿದರು.

  

  

  

  

  ಇದಲ್ಲದೆ ಪುತ್ತೂರಿನ ಇತಿಹಾಸ ಪ್ರಸಿದ್ದ ಮಹಾಲಿಂಗೇಶ್ವರ ದೇಗುಲದಲ್ಲಿ ಯುವಭಾರತ್ ಸಂಘಟನೆ ವತಿಯಿಂದ ಪೂಜೆಯನ್ನು ನೆರವೇರಿಸಲಾಯಿತು. ವಾಯುಸೇನೆ ಯುದ್ಧವಿಮಾನದ ಪೈಲೆಟ್ ಅಭಿನಂದನ್ ವರ್ದಮಾನ್ ಸುರಕ್ಷಿತವಾಗಿ ಭಾರತವನ್ನು ತಲುಪುವಂತೆ ವಿಶೇಷ ಪ್ರಾರ್ಥನೆಯನ್ನು ನೆರವೇರಿಸಲಾಯಿತು.