ಉಡುಪಿ: ಮಲ್ಪೆ ಮೀನುಗಾರರ ಬಲೆಗೆ ಬಿದ್ದ ಅಪರೂಪದ ಮೀನು 2.44 ಲಕ್ಷ ರೂ.ಗೆ ಮಾರಾಟ!

•   Wed, Dec 28 2022 08:14:11 AM



• ಮಲ್ಪೆ, ಡಿ 28 (DaijiworldNews/HR): ಮಲ್ಪೆ ಆಳಸಮುದ್ರ ಮೀನುಗಾರರ ಬಲೆಗೆ ಸುಮಾರು 23 ಕಿಲೋ ತೂಕದ ಮೀನೊಂದು ಬಿದಿದ್ದು, ಇದು ಬರೋಬರಿ 2.44 ಲಕ್ಷ ರೂ.ಗಳಿಗೆ ಮಾರಾಟವಾಗಿದೆ ಎಂದು ತಿಳಿದು ಬಂದಿದೆ.

  

  ಈ ಮೀನನ್ನು ಸ್ಥಳೀಯವಾಗಿ ಗೋಲಿ ಮೀನು ಎಂದು ಕರೆಯಲಾಗುವ ಇದರ ವೈಜ್ಞಾನಿಕ ಹೆಸರು ಘೋಲ್‌ ಫಿಶ್‌. ಇದು ಮಹಾರಾಷ್ಟ್ರ ಮತ್ತು ಗುಜರಾತ್‌ ಸಮುದ್ರದಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ.

  ಮಲ್ಪೆಯ ಮೀನುಗಾರರ ಬಲೆಗೆ ಈ ಮೀನು ಹಲವು ಬಾರಿ ಬಿದ್ದಿದೆಯಾದರೂ ಇಷ್ಟು ದೊಡ್ಡ ಮೀನು ಸಿಕ್ಕಿರುವುದು ಪ್ರಥಮ. ಇದು ಕೆಜಿಗೆ 10,640 ರೂ.ಗಳಂತೆ ಮಾರಾಟವಾಗಿದೆ.

  ಇನ್ನು ಈ ಮೀನಿನ ಬಗ್ಗೆ ಮಾಹಿತಿ ನೀಡಿರುವ ಕರ್ನಾಟಕ ವಿಶ್ವನಿದ್ಯಾನಿಲಯದ ಕಡಲಜೀವಿ ಶಾಸ್ತ್ರ ವಿಭಾಗದ ಸಂಶೋಧಕ ಶಿವಕುಮಾರ್‌ ಹರಗಿ ಅವರು, ಔಷಧೀಯ ಗುಣ ಹೊಂದಿರುವ ಈ ಮೀನಿನ ಹೊಟ್ಟೆಯನ್ನು ಬಂಗಾರವೆಂದೇ ಪರಿಗಣಿಸಲಾಗಿದೆ. ವಿದೇಶದಲ್ಲಿ ಇದಕ್ಕೆ ಭಾರೀ ಬೇಡಿಕೆ ಇದೆ. ಸೌಂದರ್ಯ ವರ್ಧಕ ವಸ್ತುಗಳಲ್ಲಿ ಉಪಯೋಗಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ.