ಮಂಗಳೂರು: ಗಜರಾಜನೊಂದಿಗೆ ನೃತ್ಯ - ಕಟೀಲು ಕ್ಷೇತ್ರವೇ ಅದ್ಬುತವೆಂದ ಆನಂದ್ ಮಹೀಂದ್ರ

•   Mon, Jan 02 2023 11:31:18 AM



• ಮಂಗಳೂರು, ಜ 02 (DaijiworldNews/HR): ಕಲಾವಿದೆಯೊಬ್ಬರು ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಆನೆಯ ಎದುರು ಭರತನಾಟ್ಯ ಮಾಡುತ್ತಿದ್ದು, ಆನೆ ಆಶೀರ್ವದಿಸುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದ್ದು, ಈ ವಿಡಿಯೋವನ್ನು ಮಹೀಂದ್ರ ಗ್ರೂಪ್‌ನ ಚೇರ್ಮನ್‌ ಆನಂದ ಮಹೀಂದ್ರ ಅವರು ಟ್ವೀಟ್‌ ಮಾಡಿ ಹಂಚಿಕೊಂಡಿದ್ದಾರೆ.

  ಈ ಕುರಿತು ಟ್ವೀಟ್‌ ಮಾಡಿರುವ ಮಹೀಂದ್ರ, ಈ ವಿಡಿಯೋವನ್ನು ಕರ್ನಾಟಕದಲ್ಲಿರುವ ದುರ್ಗಾ ಪರಮೇಶ್ವರಿ ದೇವಸ್ಥಾನಲ್ಲಿ ಚಿತ್ರೀಕರಿಸಲಾಗಿದೆ. ‘ಕರ್ನಾಟಕದ ಕಟೀಲ್ ನಲ್ಲಿರುವ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನ. ಅದ್ಭುತ. ಈ ದೇವಸ್ಥಾನದ ಆನೆಯು ಹೊಸ ವರ್ಷಕ್ಕೆ ಕಾಲಿಡುತ್ತಿರುವ ಹಿನ್ನೆಲೆಯಲ್ಲಿ ನಮ್ಮೆಲ್ಲರನ್ನು ಆಶೀರ್ವದಿಸಲಿ ಅಂತ ಅಂದುಕೊಳ್ಳುತ್ತೇನೆ ಎಂದಿದ್ದಾರೆ.

  ಇನ್ನು ವಿಡಿಯೋ ಕ್ಲಿಪ್ ನೋಡಿದ ಬಳಿಕ ಹಲವಾರು ಜನ ಕಾಮೆಂಟ್ ಮಾಡುತ್ತಿದ್ದು, ಹಲವಾರು ಜನ ವಿಡಿಯೋವನ್ನು ಅದ್ಭುತ ಮತ್ತು ಮನಮೋಹಕ ಎಂದು ವರ್ಣಿಸಿದ್ದಾರೆ.

  Sri Durgaaparameshwari temple , Kateel, Karnataka.
  Amazing. And I would like to think the Temple Elephant is bestowing a blessing on all of us for a Happier New Year! 😊 pic.twitter.com/s2xdqV8w5D

  — anand mahindra (@anandmahindra) December 31, 2022