ಕಾರ್ಕಳ: ಅಕ್ರಮ ಕಸಾಯಿಖಾನೆಗೆ ದಾಳಿ - ಇಬ್ಬರ ಬಂಧನ

•   Sat, Mar 09 2019 09:46:06 AM



• ಕಾರ್ಕಳ,ಮಾ 09(MSP): ಹೊಸ್ಮಾರು ಕರಿಂಬೈಲ್ ಎಂಬಲ್ಲಿ ಹಾಡಿಯಲ್ಲಿ ತಲೆ ಎತ್ತಿದ್ದ ಅಕ್ರಮ ಕಸಾಯಿಖಾನೆಯೊಂದಕ್ಕೆ ಗ್ರಾಮಾಂತರ ಠಾಣಾಧಿಕಾರಿ ನಾಸೀರ್ ಹುಸೈನ್ ನೇತೃತ್ವ ಪೊಲೀಸರು ದಾಳಿ ನಡೆಸಿ ಆರೋಪಿಗಳಿಬ್ಬರನ್ನು ಬಂಧಿಸಿದ್ದಾರೆ. ಮಾ .7 ರ ಗುರುವಾರ ತಡರಾತ್ರಿ 12 ಗಂಟೆಗೆ ಈ ಕಾರ್ಯಚರಣೆ ನಡೆದಿದೆ. ಕರಿಂಬೈಲ್ ತೌಸಿಫ್(25), ಮೈಯದ್ಧಿ(26) ಬಂಧಿತರು.

   

  ತೌಸಿಫ್ ಎಂಬಾತನ ಮನೆಯ ಬಳಿಯ ಹಾಡಿಯಲ್ಲಿ ದನವನ್ನು ಕಡಿದು ಮಾಂಸಮಾಡುತ್ತಿದ್ದರೆಂಬ ಖಚಿತ ವರ್ತಮಾನ ಮೇರೆ ಈ ಕಾರ್ಯಚರಣೆ ನಡೆದಿದೆ. 50 ಕೆ.ಜಿ ದನದ ಮಾಂಸ, ಮರದ ತುಂಡು, ಚೂರಿ, ದನದ ತಲೆ, ದನದ ಬಾಲ, ದನದ ಚರ್ಮ, 7 ಟರ್ಪಾಲು, ತಕ್ಕಡಿಯನ್ನು ಪೊಲೀಸರು ಸ್ವಾದೀನ ಪಡಿಸಿದ್ದಾರೆ. ದನದ ಮಾಂಸದ ಅಂದಾಜು ಮೌಲ್ಯ ರೂ10,000 ಆಗಿರುತ್ತದೆ.

  ಆರೋಪಿಗಳಿಬ್ಬರು ಅಕ್ರಮವಾಗಿ ದನಗಳನ್ನು ಕಡಿದು ತಮ್ಮದೇ ಮನೆಯಲ್ಲಿ ರಾಜಾರೋಷವಾಗಿ ಅದರ ಮಾಂಸ ಮಾರಾಟ ಮಾಡುತ್ತಿದ್ದರು ಎಂದು ಪೊಲೀಸರ ತನಿಖೆಯಿಂದ ಬಯಲಾಗಿದೆ. ಈ ಬಗ್ಗೆ ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಕೇಸುದಾಖಲಾಗಿದೆ.