ಕೊಲ್ಲೂರು: ರಂಗಸ್ಥಳದಲ್ಲಿ ಪ್ರಾಣತ್ಯಾಗ - ಯಕ್ಷಗಾನದಲ್ಲಿ ಲೀನವಾದ 'ಹುಡುಗೋಡು ಚಂದ್ರಹಾಸ'

•   Mon, Mar 11 2019 09:27:10 AM



• ಕೊಲ್ಲೂರು,ಮಾ 11 (MSP):ಇಲ್ಲಿನ ಎಳಜಿತ್ ಪೈನಾಡಿಯಲ್ಲಿ ಯಕ್ಷಗಾನ ಬಯಲಾಟ ನಡೆಯುತ್ತಿರುವಾಗ ಬಡಗುತಿಟ್ಟಿನ ಖ್ಯಾತ ಕಲಾವಿದ ಹುಡುಗೋಡು ಚಂದ್ರಹಾಸ ಅವರು ವೇದಿಕೆಯಲ್ಲೇ ಕುಸಿದು ವಿಧಿವಶರಾದ ಘಟನೆ ಮಾ.10ರ ಭಾನುವಾರ ರಾತ್ರಿ ನಡೆದಿದೆ.

  

  

  ಭೀಷ್ಮ ವಿಜಯ ಯಕ್ಷಗಾನ ಪ್ರಸಂಗದಲ್ಲಿ ಸಾಲ್ವನ ಪಾತ್ರ ನಿರ್ವಹಿಸಿ, ಭೀಷ್ಮ ಎನ್ನುವ ಉದ್ಘಾರ ಮಾಡುತ್ತಲೆ ವೇದಿಕೆಯಲ್ಲೇ ಹೃದಯಾಘಾತವಾಗಿ ಚಂದ್ರಹಾಸ ಕುಸಿದು ಬಿದ್ದಿದ್ದಾರೆ. ತಕ್ಷಣ ಉಳಿದ ಸಹಕಲಾವಿದರೆಲ್ಲಾ ಅವರ ಸಹಾಯಕ್ಕೆ ಧಾವಿಸುವಾಗ ಅದಾಗಲೇ ಅವರು ರಂಗಸ್ಥಳದಲ್ಲಿ ಪ್ರಾಣ ತ್ಯಾಗ ಮಾಡಿದ್ದರು.

  ಅಭಿನವ ಸಾಲ್ವ ಎಂಬ ಬಿರುದಾಂಕಿತ ಚಂದ್ರಹಾಸ ಹುಡುಗೋಡು ಅವರು ಹೊನ್ನಾವರದ ಯಕ್ಷರಂಗಳ ಬಳಗ ಎಂಬ ಮೇಳದಲ್ಲಿ ಪ್ರಧಾನ ಪಾತ್ರ ನಿರ್ವಹಿಸುತ್ತಿದ್ದರು. ಇವರ ಅಕಾಲಿಕ ಮರಣಕ್ಕೆ ಯಕ್ಷಲೋಕವೇ ಕಂಬನಿ ಮಿಡಿದಿದೆ.