ಬ್ರಹ್ಮಾವರ: ಜನಪ್ರಿಯ ಕಲಾವಿದ, ದಾಯ್ಜಿವಲ್ಡ್ 'ಚೈಂಕ್ ಪೈಂಕ್' ನಟ ಕಾರ್ತಿಕ್ ಬ್ರಹ್ಮಾವರ ಹೃದಯಘಾತದಿಂದ ಮೃತ್ಯು

•   Tue, Jan 24 2023 12:16:48 AM



• ಬ್ರಹ್ಮಾವರ, ಜ. 23 (DaijiworldNews/SM): ಖ್ಯಾತ ರಂಗಭೂಮಿ ಕಲಾವಿದ ಮತ್ತು ದಾಯ್ಜಿವರ್ಲ್ಡ್ 24x7 ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಕುಂದಾಪುರ ಕನ್ನಡದ ಜನಪ್ರಿಯ ಟಿವಿ ಕಾರ್ಯಕ್ರಮ “ಚೈಂಕ್ ಪೈಂಕ್” ಇದರ ನಟ ಕನಸು ಕಾರ್ತಿಕ್ ಬ್ರಹ್ಮಾವರ (30) ಹೃದಯಘಾತದಿಂದ ಜನವರಿ 22 ರ ರವಿವಾರದಂದು ಕೊನೆಯುಸಿರೆಳೆದಿದ್ದಾರೆ.

  

  ಕಾರ್ತಿಕ್ ದಾಯ್ಜಿವರ್ಲ್ಡ್ ಟಿವಿಯಲ್ಲಿ ಪ್ರಸಾರವಗುತ್ತಿರುವ ಜನಪ್ರಿಯ ಕುಂದಾಪುರ ಕನ್ನಡ ಟಿವಿ ಕಾರ್ಯಕ್ರಮ ಚೈಂಕ್ ಪೈಂಕ್ ನಲ್ಲಿ ಪ್ರಮುಖ ಕಲಾವಿದರಾಗಿ ಗುರುತಿಸಿಕೊಂಡಿದ್ದರು. ಕಾರ್ಯಕ್ರಮದಲ್ಲಿ ವಿವಿಧ ಪಾತ್ರಗಳನ್ನು ನಿರ್ವಹಿಸಿ ಪ್ರೇಕ್ಷಕರ ಮನಗೆದ್ದಿದ್ದರು.

  ಬ್ರಹ್ಮಾವರದ ಮಂದಾರ ನಾಟಕ ತಂಡ, ರಾಜ್ ಗುರು ನಡೆಸುತ್ತಿದ್ದ ಬೆಂಗಳೂರಿನ ರಂಗಪಯಣ ತಂಡದಲ್ಲಿ ಕೂಡ ಕಾರ್ತಿಕ್ ಕೆಲಸ ಮಾಡಿದ್ದರು.

  ಕಾರ್ತಿಕ್ ಅನೇಕ ಆಲ್ಬಮ್ ಹಾಡುಗಳು, ನಾಟಕಗಳು ಮತ್ತು ಕಿರುಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಅವರು ಇತ್ತೀಚೆಗೆ ಬಿಡುಗಡೆಯಾದ ಕನ್ನಡ ಚಲನಚಿತ್ರ 'ಸ್ಮೋಕಿ ಕಾಲೇಜ್' ಮತ್ತು ಇತರ ಕೆಲವು ಚಲನಚಿತ್ರಗಳಲ್ಲಿ ಕೂಡಾ ನಟಿಸಿದ್ದರು.