ಬೆಳ್ತಂಗಡಿ: ಒಂದು ವರ್ಷದಿಂದ ತಲೆ ಮರೆಸಿಕೊಂಡಿದ್ದ ಆರೋಪಿ ಬಂಧನ

•   Wed, Feb 08 2023 11:57:01 AM



• ಬೆಳ್ತಂಗಡಿ, ಫೆ 08 (DaijiworldNews/DB): ಪ್ರಕರಣ ಸಂಬಂಧ ಆರೋಪಿಯಾಗಿ ಕಳೆದೊಂದು ವರ್ಷದಿಂದ ತಲೆಮರೆಸಿಕೊಂಡಿದ್ದ ವ್ಯಕ್ತಿಯನ್ನು ಬೆಳ್ತಂಗಡಿ ಠಾಣೆ ಪೊಲೀಸರು ಇದೀಗ ದಸ್ತಗಿರಿ ಮಾಡಿದ್ದಾರೆ.

  ಕಾಸರಗೋಡು ಉಪ್ಪಳದ ಮೊಳಿಂಜೆ ಮಾಹಿನಗರ ಫಾತಿಮಾ ಮಂಜಿಲ್ ನಿವಾಸಿ ಸಿರಾಜ್ ಬಂಧಿತ ಆರೋಪಿ. ಅ.ಕ್ರ 06/2020 ಕಲಂ. 302 ಜೊತೆಗೆ 34 ಐಪಿಸಿ ಪ್ರಕರಣದಲ್ಲಿ ಆರೋಪಿಯಾಗಿದ್ದಈತ ಕಳೆದೊಂದು ವರ್ಷದಿಂದ ನ್ಯಾಯಾಲಯಕ್ಕೆ ಹಾಜರಾಗದೆ ತಲೆಮರೆಸಿಕೊಂಡಿದ್ದ. ಹೀಗಾಗಿ ಈತನ ವಿರುದ್ದ ವಾರಂಟ್ ಜಾರಿಯಾಗಿತ್ತು.

  ಈತನಿಗಾಗಿ ಒಂದು ವರ್ಷದಿಂದ ಪೊಲೀಸರು ಹುಡುಕಾಟ ನಡೆಸುತ್ತಿದ್ದರು. ಇದೀಗ ಆತನ ಮನೆಯ ಸಮೀಪದಿಂದ ಪೊಲೀಸ್ ಸಿಬಂದಿಗಳಾದ ವೃಷಭ, ಬೆನ್ನಿಚ್ಚನ್ ಹಾಗೂ ಪಿಸಿ ಬಸವರಾಜ್ ಅವರು ಆರೋಪಿಯನ್ನು ದಸ್ತಗಿರಿ ಮಾಡಿದ್ದಾರೆ.