ಕೆಲಕಾಲ ಸ್ಥಗಿತಗೊಂಡು ಕೋಟ್ಯಾಂತರ ​ ಬಳಕೆದಾರರಿಗೆ ಶಾಕ್ ನೀಡಿದ ವಾಟ್ಸಪ್

•   Fri, Nov 03 2017 04:30:38 PM



• ಮಂಗಳೂರು, ನ 3: ಕೋಟ್ಯಾಂತರ ವಾಟ್ಸಪ್​ ಬಳಕೆದಾರರಿಗೆ ಇಂದು ವಾಟ್ಸಪ್ ಶಾಕ್ ನೀಡಿದ್ದು, ಕೆಲಕಾಲ ವಾಟ್ಸಪ್ ಇಲ್ಲದೇ ಜನ ಪರದಾಡುವಂತಾಯಿತು.

  

   

  ತಾಂತ್ರಿಕ ಸಮಸ್ಯೆಯಿಂದ ದೇಶಾದ್ಯಂತ ಕೆಲ ಹೊತ್ತು ವಾಟ್ಸಪ್ ಮೆಸೇಜಿಂಗ್ ಸರ್ವೀಸ್‌ನಲ್ಲಿ ಗೊಂದಲ ಸೃಷ್ಟಿಯಾಗಿದ್ದು, ಕೋಟ್ಯಾಂತರ ವಾಟ್ಸಪ್​ ಬಳಕೆದಾರರು ಒದ್ದಾಡುವಂತಾಯಿತು.

  ಮಧ್ಯಾಹ್ನ 1.45 ಕ್ಕೆ ವಾಟ್ಸಪ್‍ನಲ್ಲಿ ಸಮಸ್ಯೆ ಆರಂಭವಾಗಿತ್ತು. ಇದರಿಂದಾಗಿ ವಾಟ್ಸಪ್‌​ ಬಳಕೆದಾರರು ಮೆಸೇಜ್​ಗಳನ್ನು ಕಳುಹಿಸಲು ಮತ್ತು ರಿಸೀವ್​ ಮಾಡಲು ಸಾಧ್ಯವಾಗುತ್ತಿರಲಿಲ್ಲ. ಮೆಸೇಜ್‍ಗಳು ಕಳುಹಿಸಿದ್ದರೂ ಒಂದೇ ಟಿಕ್ ಮಾರ್ಕ್ ಬರುತಿತ್ತು. ಕೆಲವೊಮ್ಮೆ ಮೆಸೇಜ್ ಸೆಂಡ್ ಆಗುತ್ತಿರಲಿಲ್ಲ. 

  2.40 ರ ವೇಳೆಗೆ ವಾಟ್ಸಪ್ ಸೇವೆ ಮತ್ತೆ ಆರಂಭವಾಗಿದ್ದು, ಬಳಕೆದಾರರ ಮುಖದಲ್ಲಿ ಮತ್ತೆ ಮಂದಹಾಸ ಮೂಡಿದೆ.

  downtectector.com ವೆಬ್‌ಸೈಟ್ ಡೌನ್ ಆಗಿರುವ ಮಾಹಿತಿಯನ್ನು ಕಲೆ ಹಾಕಿದ್ದು, ವಾಟ್ಸಪ್‌ ತಾಂತ್ರಿಕ ಸಮಸ್ಯೆಗೆ ಗುರಿಯಾಗಿದೆ ಎಂಬುದು ಬಯಲಾಗಿದೆ.