ಕಾರ್ಕಳದ ಮದೀನ ಮಸೀದಿಯ ವಿದ್ಯಾರ್ಥಿಗಳ ಜೊತೆ ಧರ್ಮಗುರು ಪರಾರಿ

•   Fri, Nov 03 2017 05:10:18 PM



• ಉಡುಪಿ, ನ 3: ಕಾರ್ಕಳದ ಮದೀನ ಮಸೀದಿಯಲ್ಲಿ ವಿದ್ಯಾರ್ಥಿಗಳೊಂದಿಗೆ ಧರ್ಮಗುರು ನಾಪತ್ತೆಯಾಗಿರುವ ಘಟನೆ ನಡೆದಿದೆ.

  

   

  ಬಿಹಾರ ಮೂಲದ ತೈಯ್ಯಬ್ ನಾಪತ್ತೆಯಾಗಿರುವ ಧರ್ಮಗುರು. ಮದೀನ ಮಸೀದಿಯಲ್ಲಿ ಒಟ್ಟು 32 ವಿದ್ಯಾರ್ಥಿಗಳಿದ್ದು, ಮಕ್ಕಳೊಂದಿಗೆ ಧರ್ಮಗುರು ಪರಾರಿಯಾಗಿದ್ದಾರೆ.

  ಬಿಹಾರದಿಂದ ಧಾರ್ಮಿಕ ಶಿಕ್ಷಣಕ್ಕೆಂದು ಕಾರ್ಕಳದ ಮದೀನ ಮಸೀದಿಗೆ ಈ ಮಕ್ಕಳು ಬಂದಿದ್ದರು. ಗುರುವಾರ ತಡರಾತ್ರಿಯಿಂದ ಮಕ್ಕಳ ಜೊತೆಗೆ ಧರ್ಮಗುರು ನಾಪತ್ತೆಯಾಗಿರುವುದು ತಿಳಿದುಬಂದಿದೆ.

  ಟೆಂಪೋ ಟ್ರಾವಲರ್‌ ಮೂಲಕ ತೆರಳಿರುವ ಶಂಕೆ ವ್ಯಕ್ತವಾಗಿದ್ದು, ಕುಂದಾಪುರ ರೈಲು ನಿಲ್ದಾಣ ಮೂಲಕ ಬಿಹಾರ ತೆರಳಿರುವ ಸಾಧ್ಯತೆ ಇದೆ ಎಂದು ತಿಳಿದುಬಂದಿದೆ.

  ಮಸೀದಿಯೊಂದಿಗೆ ಆಂತರಿಕ ಕಲಹವಿದ್ದು, ಇದರಿದಿಂದ ಬೇಸತ್ತು ಧರ್ಮಗುರು ಪರಾರಿಯಾಗಿರುವ ಶಂಕೆ ವ್ಯಕ್ತವಾಗಿದೆ. ಆದರೆ ಪೊಲೀಸ್ ಠಾಣೆಗೆ ಈ ಘಟನೆಯ ಕುರಿತು ಯಾವುದೇ ಮಾಹಿತಿ ಲಭಿಸಿಲ್ಲ.