ಕಾಸರಗೋಡು: ಯುವಕನ ಕಿಡ್ನಾಪ್ ದರೋಡೆ ಪ್ರಕರಣ - ಮೂವರ ಬಂಧನ

•   Sat, Feb 25 2023 08:12:48 PM



• ಕಾಸರಗೋಡು, ಫೆ 25 (DaijiworldNews/MS):ಯುವಕನನ್ನು ಕಾರಿನಲ್ಲಿ ಅಪಹರಿಸಿ ಹಣ, ಮೊಬೈಲ್ ಫೋನ್ ದೋಚಿದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಮೂವರನ್ನು ವಿದ್ಯಾನಗರ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

  ಕಲ್ಲಕಟ್ಟದ ಸುಲ್ತಾನ್ ಹುಸೇನ್ (28), ಪೊವ್ವಲ್ ನ ಅಬ್ದುಲ್ ಮುನವ್ವರ್ (25), ಅನಂಗೂರಿನ ಶಾನ್ ವಾಝ್ (28) ಬಂಧಿತರು.ಚೆಂಗಳ ರಹಮ್ಮತ್ ನಗರದ ಮುಹಮ್ಮದ್ ಶರೀಫ್ (29) ರವರನ್ನು ಅಪಹರಿಸಿ ದರೋಡೆ ಗೈದ ಪ್ರಕರಣ ಕ್ಕೆ ಸಂಬಂಧ ಪಟ್ಟಂತೆ ಇವರನ್ನು ಬಂಧಿಸಲಾಗಿದೆ.

  ಫೆ. 21ರಂದು ಮುಂಜಾನೆ ಚೆಂಗಳ ನಾಲ್ಕನೇ ಮೈಲ್ ನಲ್ಲಿ ಶರೀಫ್ ರನ್ನು ಕಾರಿನಲ್ಲಿ ಬಂದ ತಂಡವೊಂದು ಅಪಹರಿಸಿ 17,400 ರೂ. ನಗದು ಮತ್ತು ಮೊಬೈಲ್ ನ್ನು ದೋಚಿದ್ದರು.