ಮಂಗಳೂರು: ಗಲಾಟೆ ಮಾಡಿಕೊಂಡ ಬಸ್ ಚಾಲಕ, ನಿರ್ವಾಹಕರು ಪೊಲೀಸ್ ವಶಕ್ಕೆ

•   Sun, Feb 26 2023 08:23:13 AM



• ಮಂಗಳೂರು, ಫೆ 26 (DaijiworldNews/DB): ಸಮಯ ಪಾಲನೆ ವಿಚಾರದಲ್ಲಿ ನಿಂದಿಸಿ ಕೈ ಕೈ ಮಿಲಾಯಿಸುವ ಹಂತಕ್ಕೆ ಗಲಾಟೆ ಮಾಡಿಕೊಂಡ ಎರಡು ಸಿಟಿ ಬಸ್‌ಗಳ ಚಾಲಕರು ಹಾಗೂ ನಿರ್ವಾಹಕರನ್ನು ಉರ್ವ ಪೊಲೀಸರು ವಶಕ್ಕೆ ಪಡೆದುಕೊಂಡ ಘಟನೆ ಶನಿವಾರ ನಡೆದಿದೆ.

  ಚಾಲಕರಾದ ಸಾಗರ್‌, ವಿಘ್ನೇಶ್‌, ನಿರ್ವಾಹಕರಾದ ಸುಧೀರ್‌, ಶ್ರೀಧರ್‌ ಪೊಲೀಸರ ವಶವಾದವರು. ಅಶೋಕನಗರ ಶೇಡಿಗುರಿ ಬಸ್‌ ನಿಲ್ದಾಣ ಮುಂಭಾಗ ಶನಿವಾರ ಮುಂಜಾನೆ 6.50ರ ಸುಮಾರಿಗೆ ಎರಡು ಬಸ್‌ಗಳನ್ನು ಚಾಲಕರು ಅಡ್ಡಾದಿಡ್ಡಿಯಾಗಿ ನಿಲ್ಲಿಸಿದ್ದರು. ಅಲ್ಲದೆ ನಾಲ್ವರು ಕೂಡಾ ಪರಸ್ಪರ ಬೈದಾಡಿಕೊಂಡು ಕೈ ಕೈ ಮಿಲಾಯಿಸಿಕೊಳ್ಳುವ ಹಂತಕ್ಕೆ ಹೋಗಿ ಗಲಾಟೆಯಲ್ಲಿ ತೊಡಗಿದ್ದರು.

  ಚಾಲಕರು ಮತ್ತು ನಿರ್ವಾಹಕರ ಈ ಗಲಾಟೆಯಿಂದಾಗಿ ಸಾರ್ವಜನಿಕರ ಶಾಂತಿಗೆ ಭಂಗ ಉಂಟಾಗಿತ್ತು. ಈ ಹಿನ್ನೆಲೆಯಲ್ಲಿ ಕೂಡಲೇ ಸ್ಥಳಕ್ಕಾಗಮಿಸಿದ ಪೊಲೀಸರು ನಾಲ್ವರನ್ನೂ ವಶಪಡಿಸಿಕೊಂಡು ಪೊಲೀಸ್ ಠಾಣೆಗೆ ಕರೆದೊಯ್ದರು.