ಕಾರ್ಕಳ: ಟಿಪ್ಪರ್ ಚಾಲಕನ ನಿರ್ಲಕ್ಷ್ಯ, ಚಕ್ರದಡಿ ಸಿಲುಕಿ ಬೈಕ್ ಸವಾರ ದಾರುಣ ಸಾವು

•   Mon, Mar 18 2019 08:44:00 PM



• ಕಾರ್ಕಳ, ಮಾ 18(SM): ಅತೀ ವೇಗದಲ್ಲಿ ಬಂದ ಟಿಪ್ಪರ್ ಲಾರಿಯೊಂದು ದ್ವಿಚಕ್ರ ವಾಹನಕ್ಕೆ ಡಿಕ್ಕಿ ಹೊಡೆದ ಪರಿಣಾಮ, ಬೈಕ್ ಸವಾರ ದಾರುಣವಾಗಿ ಮೃತಪಟ್ಟಿರುವ ಘಟನೆ ಬಜಗೋಳಿ ಸಮೀಪದ ಮುಡ್ರಾಲು-ಹಡ್ಯಾಲು ರಸ್ತೆಯ ಗುನ್ಯಾಡಿ ಎಂಬಲ್ಲಿ ನಡೆದಿದೆ. ಸುಖೇಶ್ ಮೃತಪಟ್ಟ ದುರ್ದೈವಿ.

  

  ವೇಗವಾಗಿ ಬಂದ ಟಿಪ್ಪರ್‌ವೊಂದರ ಹಿಂಬದಿ ಚಕ್ರದಡಿ ಸಿಲುಕಿದ ಬೈಕ್ ಸವಾರ ಘಟನಾ ಸ್ಥಳದಲ್ಲೇ ದಾರುಣ ರೀತಿಯಲ್ಲಿ ಮೃತಪಟ್ಟಿದ್ದಾರೆ. ಸೋಮವಾರ ಮಧ್ಯಾಹ್ನ ೩ ಗಂಟೆಯ ವೇಳೆಗೆ ಬಜಗೋಳಿ ಕಡೆಯಿಂದ ಹಡ್ಯಾಲು ಕಡೆಗೆ ಬೈಕ್‌ನಲ್ಲಿ ಹೋಗುತ್ತಿದ್ದಾಗ ಗುನ್ನಾಡಿ ಎಂಬಲ್ಲಿ ಎದುರಿನಿಂದ ವೇಗವಾಗಿ ಬಂದ ಟಿಪ್ಪರ್ ಬೈಕ್‌ಗೆ ಡಿಕ್ಕಿ ಹೊಡೆದಿದೆ.

  ಅಪಘಾತದ ತೀವ್ರತೆಗೆ ಬೈಕ್ ಸವಾರನ ತಲೆ ಭಾಗ ಟಿಪ್ಪರ್‌ನ ಹಿಂಬದಿ ಚಕ್ರದಡಿ ಸಿಲುಕಿ ಛಿದ್ರಗೊಂಡಿದೆ. ಇನ್ನು ಟಿಪ್ಪರ್ ಚಾಲಕ ರಂಜನ್ ವಿರುದ್ಧ ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಕೇಸು ದಾಖಲಾಗಿದೆ.