ಬಂಟ್ವಾಳ : ಬಾವಿ ತೋಡಿ ಸಾಹಸ ಮೆರೆದ ಬಾಲಕನಿಗೆ ರಮನಾಥ ರೈ ಸನ್ಮಾನ

•   Fri, Apr 14 2023 06:55:39 PM



• ಬಂಟ್ವಾಳ, ಏ 14 (DaijiworldNews/SM): ತಾಲೂಕಿನ ಬಾಲಕನೋರ್ವನೇ ಸುಮಾರು 24 ಅಡಿ ಆಳದ ಬಾವಿ ತೋಡಿ ಸಾಹಸ ಮೆರೆದ ಬಾಲಕನಿಗೆ ರಮನಾಥ ರೈಯವರು ಸನ್ಮಾನಿಸಿ, ಆತನ ಸಾಹಸಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಬಂಟ್ವಾಳ ತಾಲೂಕಿನ ನಾಯಿಲ, ಕಾಪಿಕಾಡು ನಿವಾಸಿ ಲೋಕನಾಥ ಮತ್ತು ಮೋಹಿನಿ ದಂಪತಿಯ ಪುತ್ರ ಸೃಜನ್ ಒಬ್ಬನೇ 24 ಅಡಿ ಗುಂಡಿ ಬಾವಿ ತೋಡಿದ ಸಾಹಸಿಗ. ಮೊಬೈಲ್ ಗೇಮ್ಸ್ ಜಾಲಕ್ಕೆ ಬೀಳುವ ಈಗಿನ ಕಾಲದ ಬಾಲಕರ ನಡುವೆ ಸೃಜನ್ 24 ಅಡಿ ಗುಂಡಿ ಬಾವಿ ಅಗೆದು ಸಾಹಸ ಮೆರೆದಿದ್ದಾನೆ. ಈತನ ಸಾಹಸವನ್ನು ಮೆಚ್ಚಿ, ಬಾಲಕನಿಗೆ ಶ್ರೀ ಬಿ.ರಮಾನಾಥ ರೈ ಅವರು ಶಾಲು ಹೊದಿಸಿ ಫಲಪುಷ್ಪ ನೀಡಿ ಸನ್ಮಾನಿಸಿದರು.

  

  ಈ ಸಂದರ್ಭದಲ್ಲಿ ಸುದೀಪ್ ಕುಮಾರ್ ಶೆಟ್ಟಿ,ಕೃಷ್ಣಪ್ಪ ಪೂಜಾರಿ ನಾಟಿ, ಆಲ್ಬರ್ಟ್ ಮೆನೆಜ್ಸ್, ರವೀಂದ್ರ ಸಪಲ್ಯ, ಉಮೇಶ್ ಬೋಳಂತುರು, ಉಮೇಶ್ ನೆಲ್ಲಿಗುಡ್ಡೆ, ಅರುಣ್ ಶೆಟ್ಟಿ, ದಿವಾಕರ್ ಎಲಬೆ, ವಸಂತ ಪೂಜಾರಿ ಕಲ್ಲಗುಡ್ಡೆ, ಅನಿಲ್ ಕೊಲ್ಪೆ, ನಿಖಿಲ್ ಕೊಲ್ಪೆ, ಲಕ್ಷ್ಮಣ ಪೂಜಾರಿ, ಶಿವಪ್ಪ ಮಾಸ್ಟರ್, ಭರತ್ ಎಲಬೆ, ಅಶೋಕ್ ಭಂಡಾರಿಬೆಟ್ಟು ಮೊದಲಾದವರು ಉಪಸ್ಥಿತರಿದ್ದರು.