ಶೋಭಾ ಅವರಿಗೆ ಏಕೈಕ ಕಡ್ಡಿ ನರೇಂದ್ರ ಮೋದಿ, ಅವರು ನನಗೆ ಸ್ಪರ್ಧಿಯಾಗಲು ಅಸಾಧ್ಯ-ಪ್ರಮೋದ್

•   Sun, Mar 24 2019 08:21:49 PM



• ಉಡುಪಿ, ಮಾ 24(SM): ತಾನು ಕಾಂಗ್ರೆಸ್ - ಜೆಡಿಎಸ್ ಮೈತ್ರಿ ಅಭ್ಯರ್ಥಿಯಾಗಿ ಉಡುಪಿ ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸುತ್ತಿದ್ದೇನೆ. ಎರಡು ಪಕ್ಷವೂ ಕೂಡ ಹಾಲು ಜೇನಿನಂತೆ ಬೆರೆತು, ಸಣ್ಣಪುಟ್ಟ ಅಭಿಪ್ರಾಯಗಳನ್ನು ಮರೆತು, ಬಿಜೆಪಿಯನ್ನು ಸೋಲಿಸಲು ಪಣತೊಟ್ಟು ಕೆಲಸ ಮಾಡಬೇಕಾಗಿದೆ ಎಂದು ಮೈತ್ರಿ ಅಭ್ಯರ್ಥಿ ಪ್ರಮೋದ್ ಮದ್ವರಾಜ್ ಪ್ರತಿಕ್ರಿಯೆ ನೀಡಿದ್ದಾರೆ.

  

  ಕಾಂಗ್ರೆಸ್ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, 'ಈಗಾಗಲೇ ಬಿಜೆಪಿಯಲ್ಲಿ ಗೋ ಬ್ಯಾಕ್ ಶೋಭಾ ಎನ್ನುವ ಅಭಿಯಾನ ಆರಂಭವಾಗಿದೆ. ಆ ಚಳುವಳಿಯನ್ನು ನಾವು ಸಂಪೂರ್ಣ ಮಾಡಬೇಕಿದೆ ಎಂದು ಪ್ರಮೋದ್ ಅವರು ಬಿಜೆಪಿಗೆ ಟಾಂಗ್ ಕೊಟ್ಟಿದ್ದಾರೆ.

  ತನ್ನ ಮೇಲೆ ಮಾಡಿದ ಅಪಪ್ರಚಾರದಿಂದ ಕಳೆದ ಬಾರಿ ವಿಧಾನಸಭಾ ಕ್ಷೇತ್ರದಲ್ಲಿ ನಾನು ಗೆಲ್ಲಲು ಅಸಾಧ್ಯವಾಯಿತು. ಕಾಂಗ್ರೆಸ್ ತನಗೆ ಅಲ್ಪಾವಧಿಯಲ್ಲಿ ಮೂರು ಬಾರಿ ಭಡ್ತಿಯನ್ನು ನೀಡಿದೆ. ನಾನು ಕಾಂಗ್ರೆಸ್ ಪಕ್ಷದಲ್ಲಿದ್ದು ಜೆಡಿಎಸ್‍ನ ಅಭ್ಯರ್ಥಿ. ಓಟು ನೀಡುವ ಚಿಹ್ನೆ ಜೆಡಿಎಸ್ ಪಕ್ಷದ್ದಾಗಿದೆ ಎಂದು ಮತ್ತೊಮ್ಮೆ ಸ್ಪಷ್ಟ ಪಡಿಸಿದರು.

  ಶೋಭಾ ಅವರಿಗೆ ಆಧಾರವಾಗಿರುವ ಏಕೈಕ ಕಡ್ಡಿ ಅದು ನರೇಂದ್ರ ಮೋದಿ. ಆದರೆ ಮೋದಿ ನನಗೆ ಸ್ಪರ್ಧೀಯಾಗಲು ಸಾದ್ಯವಿಲ್ಲ ಎಂದಿದ್ದಾರೆ.