ವಿಶ್ರಾಂತ ಕೃಷಿ ಅಧಿಕಾರಿ ಸುಕುಮಾರ ಹೆಗ್ಡೆ ವಿಧಿವಶ

•   Sun, Mar 24 2019 09:22:10 PM



• ಮೂಡುಬಿದಿರೆ, ಮಾ 24(SM): ಇಲ್ಲಿನ ಕೆರೆ ಬಸದಿ ಬಳಿ ನಿವಾಸಿ, ವಿಶ್ರಾಂತ ಕೃಷಿ ಅಧಿಕಾರಿ ಸುಕುಮಾರ ಹೆಗ್ಡೆ(61) ಹೃದಯಾಘಾತದಿಂದ ಭಾನುವಾರ ನಿಧನರಾಗಿದ್ದಾರೆ.

  

  ಶ್ರೀ ಕ್ಷೇತ್ರ ಧರ್ಮಸ್ಥಳದಲ್ಲಿ ಮಹಾಮಸ್ತಕಾಭಿಷೇಕದ ಕೊನೆಯ ದಿನವಾದ ರವಿವಾರದಂದು ಮೂಡುಬಿದಿರೆಯ ಜೈನ ಸಮಾಜದ ಸೇವೆ ನಿಗದಿಯಾಗಿದ್ದು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಸುಕುಮಾರ್ ಅವರು ಅಸ್ವಸ್ಥರಾದಾಗ ಸ್ಥಳೀಯ ಆಸ್ಪತ್ರೆಗೆ ಅವರನ್ನು ದಾಖಲಿಸಲಾಯಿತಾದರೂ ಅವರು ನಿಧನರಾಗಿದ್ದಾರೆ ಎನ್ನಲಾಗಿದೆ.

  ಮೂಲತಃ ತೆಳ್ಳಾರು ಮುಂಡ್ಲಿ ಮೂಲದವರಾದ ಸುಕುಮಾರ್ ಹೆಚ್ಚುವರಿ ಕೃಷಿ ನಿರ್ದೇಶಕರಾಗಿ ಬಿಜಾಪುರ, ಮಂಗಳೂರು, ಬಳಿಕ ಮೂಡುಬಿದಿರೆಯಲ್ಲಿ ಸೇವೆ ಸಲ್ಲಿಸಿ ದಕ್ಷ, ಕೃಷಿಕರ ಪರ ಕಾಳಜಿಯಿಂದ ಗುರುತಿಸಿಕೊಂಡಿದ್ದರು ಎನ್ನಲಾಗಿದೆ.