ಕಾಸರಗೋಡು: ಗಾಂಜಾ ಸಂಗ್ರಹಿಸಿಡಲಾಗಿದ್ದ ಮನೆಗೆ ಪೊಲೀಸ್ ದಾಳಿ, ಮೂವರು ಆರೋಪಿಗಳ ಬಂಧನ

•   Mon, Mar 25 2019 07:13:25 PM



• ಕಾಸರಗೋಡು, ಮಾ 25(SM): ಮನೆಯೊಂದರಲ್ಲಿ ಬಚ್ಚಿಡಲಾಗಿದ್ದ ನಾಲ್ಕು ಕಿಲೋ ಗಾಂಜಾವನ್ನು ಕಾಸರಗೋಡು ಪೊಲೀಸರು ವಶಪಡಿಸಿಕೊಂಡಿದ್ದು, ಮೂವರನ್ನು ಬಂಧಿಸಿರುವ ಘಟನೆ ನಡೆದಿದೆ.

  

  ಕೂಡ್ಲು ರಾಮದಾಸ ನಗರದ ನಾಂಗುಳಿ ರಸ್ತೆ ಬಳಿಯ ಕೆ.ವಿ. ಉಣ್ಣಿ(48), ಚೆರ್ಕಳ ಕೆ.ಕೆ.ಪುರದ ಡಿ. ಹುಸೈನಾರ್(26) ಮತ್ತು ಚೆರ್ಕಳ ಕುಂಡಡ್ಕ ತೋಟತ್ತಿಲ್ ನ ಕೆ. ರತೀಶ್(25) ಬಂಧಿತ ಆರೋಪಿಗಳು. ಆರೋಪಿ ಕೆ.ವಿ. ಉಣ್ಣಿ ಎಂಬಾತನ ಮನೆಯಿಂದ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದೆ.

  ಇನ್ನು ಪೊಲೀಸರಿಗೆ ಲಭಿಸಿದ ಖಚಿತ ಮಾಹಿತಿಯಂತೆ ದಾಳಿ ನಡೆಸಲಾಗಿದೆ. ಆರೋಪಿಗಳು ಆಂಧ್ರಪ್ರದೇಶದಿಂದ ಮಂಗಳೂರು ಮೂಲಕ ಕಾಸರಗೋಡಿಗೆ ಗಾಂಜಾ ತಂದಿದ್ದರು ಎಂದು ತನಿಖೆಯಿಂದ ತಿಳಿದು ಬಂದಿದೆ. ಬಂಧಿತರು ಅಂತಾರಾಜ್ಯ ಗಾಂಜಾ ಮಾಫಿಯ ತಂಡದೊಂದಿಗೂ ನಿಕಟ ಸಂಪರ್ಕ ಹೊಂದಿದ್ದಾರೆ ಎಂದು ಶಂಕಿಸಲಾಗುತ್ತಿದೆ.

  ಈ ಬಗ್ಗೆ ಸಮಗ್ರ ತನಿಖೆ ನಡೆಸಲಾಗುವುದೆಂದು ಪೊಲೀಸರು ತಿಳಿಸಿದ್ದಾರೆ.