ಕಾರ್ಕಳ: 'ನಾಲ್ಕನೇ ಬಾರಿಗೆ ನನ್ನನ್ನು ಗೆಲ್ಲಿಸಿದ ಜನತೆಗೆ ಧನ್ಯವಾದಗಳು' - ಸುನಿಲ್ ಕುಮಾರ್

•   Sat, May 13 2023 03:41:32 PM



• ಕಾರ್ಕಳ, ಮೇ 13 (DaijiworldNews/HR): ನಾಲ್ಕನೇ ಬಾರಿಗೆ ನನ್ನನ್ನು ಗೆಲ್ಲಿಸಿದ ಜನತೆಗೆ ಧನ್ಯವಾದಗಳು. ಜೊತೆಗೆ ಗೆಲುವಿಗೆ ಸಹಕರಿಸಿದ ಕಾರ್ಯಕರ್ತರಿಗೆ ಕೃತಜ್ಞತೆಗಳು ಎಂದು ಗೆಲುವಿನ ನಗೆ ಬೀರಿದ ಸುನಿಲ್ ಕುಮಾರ್ ಹೇಳಿದ್ದಾರೆ.

  ಈ ಕುರಿತು ಮಾತನಾಡಿರುವ ಅವರು, ಕಳೆದ ಎರಡು ಮೂರು ತಿಂಗಳಿನಿಂದ ಕಾಂಗ್ರೆಸ್ ಬಿ ಟೀಂ ಅಪಪ್ರಚಾರದಲ್ಲಿ ಯಶಸ್ಸು ಕಂಡಿತ್ತು. ಆದರೆ ಕ್ಷೇತ್ರದ ಮತದಾರರು ಅಭಿವೃದ್ಧಿಯನ್ನು ಗೆಲ್ಲಿಸಿದ್ದಾರೆ. ನಂಬಿಕೆ ವಿಶ್ವಾಸವನ್ನು ಉಳಿಸಿಕೊಳ್ಳುವೆ. ಇದು ಕಾರ್ಯಕರ್ತರ ಗೆಲುವು ಎಂದರು.

  ಐದು ಜನ ಶಾಸಕರು ಕೂಡ ಒಗ್ಗಟ್ಟಾಗಿ ಜಿಲ್ಲೆಯ ಅಭಿವೃದ್ಧಿಗೆ ದುಡಿಯುತ್ತೇವೆ. ಜನರು ಕಾಂಗ್ರೆಸ್ ನ ಗ್ಯಾರಂಟಿ ಕಾರ್ಡ್ ಅನ್ನು ನಂಬಿರಬೇಕು. ಅದರ ಅನುಷ್ಟಾನ ಕಾಂಗ್ರೆಸ್ ಹೇಗೆ ಮಾಡಲಿದೆ ಎಂದು ವಿರೋಧ ಪಕ್ಷವಾಗಿ ಎಚ್ಚರದಿಂದ ಕಾಯುವ ಕೆಲಸವನ್ನು ಮಾಡುತ್ತೇವೆ ಎಂದಿದ್ದಾರೆ.

  ಇನ್ನು ಎಲ್ಲೆ ಮೀರಿ ಅಪಪ್ರಚಾರ ನಡೆದಿತ್ತು. ನನ್ನ ವ್ಯಕ್ತಿತ್ವಕ್ಕೆ ಅಪಚಾರ ಮಾಡಲಾಗಿತ್ತು. ಇವೆಲ್ಲದರ ನಡುವೆ ಕಾರ್ಕಳದ ಜನ ಆಶೀರ್ವಾದ ಮಾಡಿದ್ದಾರೆ. ಕೊನೆಯ 15-30 ದಿನಗಳಲ್ಲಿ ಕಾಂಗ್ರೆಸ್ ಏಷ್ಟು ಅಪಪ್ರಚಾರ ಮಾಡಿದೆ. ಮುತಾಲಿಕ್ ಸ್ಪರ್ಧೆಯನ್ನು ನಾವು ಗಂಭೀರವಾಗಿ ಪರಿಗಣಿಸಿರಲಿಲ್ಲ, ಅವರು ಕಾಂಗ್ರೆಸ್ ನಿಂದ ಎಷ್ಟು ಹಣವನ್ನು ತೆಗೆದುಕೊಂಡಿದ್ದಾರೆ ಎಂದು ಇನ್ನು ಗೊತ್ತಾಗಬೇಕು ಎಂದು ಹೇಳಿದ್ದಾರೆ.