ಮಂಗಳೂರು: ಕೋವಿಡ್ ಬಳಿಕ ಜೇನು ಕೃಷಿಯಲ್ಲಿ ಯಶಸ್ವಿಯಾದ ಪುತ್ತೂರಿನ ಪತ್ರಕರ್ತ ಭರತರಾಜ್ ಸೊರಕೆ

•   Tue, Jun 13 2023 06:00:12 PM



• ಮಂಗಳೂರು, ಜೂ13 (DaijiworldNews/HR): ಪುತ್ತೂರಿನ ಮಾಜಿ ಪತ್ರಕರ್ತ ಭರತರಾಜ್ ಸೊರಕೆ ಅವರು ಕೊರೊನಾದ ಬಳಿಕ ಜೇನು ಕೃಷಿ ಮಾಡಲು ಮುಂದಾಗಿ ಈಗ ಯಶಸ್ವಿಯಾಗಿದ್ದಾರೆ.

  

  

  

  

  

  

  

  

  

  

  

  

  ಭರತ್ ಪತ್ರಕರ್ತರಾಗಿದ್ದು, ಪತ್ರಿಕೆಯಲ್ಲಿ ಉಪಸಂಪಾದಕರಾಗಿ ಕೆಲಸ ಮಾಡುತ್ತಿದ್ದರು. ಮೂರು ವರ್ಷಗಳ ಹಿಂದೆ ಕೋವಿಡ್ -19 ಸಮಯದಲ್ಲಿ ತನ್ನ ಕೆಲಸವನ್ನು ಕಳೆದುಕೊಳ್ಳುವ ಭಯದಿಂದ, ತನಗೆ ತಕ್ಷಣದ ಆದಾಯವನ್ನು ನೀಡುವ ಕೆಲಸವನ್ನು ಹುಡುಕಲು ಆರಂಭಿಸಿದ ಭರತ್ ಅವರು ಜೇನು ಕೃಷಿ ಕ್ಷೇತ್ರವನ್ನು ಆರಿಸಿಕೊಂಡರು.

  3 ವಾರಗಳ ತರಬೇತಿಯೊಂದಿಗೆ ಭರತ್ ಅವರು ಜೇನು ಕೃಷಿಯ ತಮ್ಮದೇ ಆದ ವ್ಯಾಪಾರವನ್ನು ಪ್ರಾರಂಭಿಸಿದ್ದು, ಕಳೆದ ಆರು ತಿಂಗಳಿನಿಂದ ಇದು ಅವರ ಪೂರ್ಣ ಸಮಯದ ಉದ್ಯೋಗವಾಗಿದೆ.

  ತನ್ನ ಪತ್ರಿಕೋದ್ಯಮ ವೃತ್ತಿಯ ಜೊತೆಗೆ, ಅವರು 10 ಜೇನು ಪೆಟ್ಟಿಗೆಗಳೊಂದಿಗೆ ತಮ್ಮ ತರಬೇತಿಯನ್ನು ಪ್ರಾರಂಭಿಸಿದ್ದು, ಜೇನು ಸಾಕಾಣಿಕೆಯನ್ನು ಮಾಡಲು ಬಯಸುವ ಜನರು ತರಬೇತಿಯಿಲ್ಲದೆ ಈ ವ್ಯವಹಾರಕ್ಕೆ ಧುಮುಕಬಾರದು, ಏಕೆಂದರೆ ಬಹಳಷ್ಟು ಅಪಾಯಗಳು ಒಳಗೊಂಡಿರುತ್ತವೆ ಎನ್ನುತ್ತಾರೆ ಭರತ್.

  ಭರತ್ ಅವರು ರಾಜ್ಯೋತ್ಸವ ಪ್ರಶಸ್ತಿ ವಿಜೇತರಾದ ಖ್ಯಾತ ಜೇನು ಕೃಷಿಕ ಮನಮೋಹನ ಆರಂಬ್ಯ ಅವರ ಬಳಿ ತರಬೇತಿ ಪಡೆದಿದ್ದು, ಬಳಿಕ ಭರತ್ ಅವರು ತೋಟಗಾರಿಕೆ ಇಲಾಖೆಯಿಂದ ನೀಡಲಾಗುವ 3 ದಿನಗಳ ಕೋರ್ಸ್ ಅನ್ನು ಕೂಡ ತೆಗೆದುಕೊಂಡಿದ್ದಾರೆ.

  10 ಜೇನು ಪೆಟ್ಟಿಗೆಗಳಿಂದ ಆರಂಭಿಸಿದ್ದ ಭರತ್ ಈಗ ಸುಮಾರು 100 ಬಾಕ್ಸ್‌ಗಳನ್ನು ಹೊಂದಿದ್ದಾರೆ. ಪುತ್ತೂರಿನಲ್ಲಿ ಸ್ವಂತ ಜಮೀನು ಹೊಂದಿದ್ದಾರೆ.

  "ನಾನು ಸಾಂಪ್ರದಾಯಿಕವಾದ ಜೇನುಮೇಣ ಮತ್ತು ಜೇನುನೊಣ ಮುಲಾಮುಗಳಂತಹ ಜೇನುತುಪ್ಪದಿಂದ ಪಡೆದ ಉಪ-ಉತ್ಪನ್ನಗಳಿಗೆ ಪ್ರಾಮುಖ್ಯತೆ ನೀಡುತ್ತೇನೆ. ಜೇನು ತೆಗೆಯಲು ಯಂತ್ರಗಳನ್ನು ಬಳಸುತ್ತೇವೆ. ತಮ್ಮ ವ್ಯಾಪಾರವು ಉತ್ತಮವಾಗಿ ನಡೆಯುತ್ತಿದ್ದು, ಪ್ರತಿವರ್ಷ ಪೆಟ್ಟಿಗೆಗಳು ಮತ್ತು ಜೇನುತುಪ್ಪವನ್ನು ಖರೀದಿಸುವ ಕೆಲವು ಖಾಯಂ ಗ್ರಾಹಕರು ಇದ್ದಾರೆ ಎಂದರು.

  ಇನ್ನು ಜೇನು ಕೃಷಿಕನಾಗಿ ನನ್ನ ಮುಖ್ಯ ತತ್ವವೆಂದರೆ ಗ್ರಾಹಕರಿಗೆ ಶುದ್ಧ ಕಚ್ಚಾ ಜೇನುತುಪ್ಪವನ್ನು ನೀಡುವುದು. ನಾನು ಜೇನುನೊಣಗಳನ್ನು ಸಾಕುವುದರಿಂದ ಮತ್ತು ಉತ್ಪನ್ನಗಳನ್ನು ನಾನೇ ಮಾರಾಟ ಮಾಡುವುದರಿಂದ, ಇದು ನನ್ನ ಮತ್ತು ನನ್ನ ಗ್ರಾಹಕರ ನಡುವೆ ನಂಬಿಕೆಯನ್ನು ನಿರ್ಮಿಸುತ್ತದೆ ಎಂದು ಹೇಳಿದ್ದಾರೆ.

  ಭರತ್ ಅವರು ವಿವಿಧ ಕಾರ್ಯಕ್ರಮಗಳಲ್ಲಿ ತಮ್ಮ ಸ್ಟಾಲ್‌ಗಳನ್ನು ಹಾಕುತ್ತಿದ್ದಾರೆ. ಅದರಲ್ಲಿ ಒಂದು ಜೂನ್ 3 ರಂದು ಮಂಗಳೂರಿನಲ್ಲಿ ನಡೆದ 'ಹಲಸು ಮೇಳ'. ಕಳೆದ 2 ವರ್ಷಗಳಿಂದ ಅಲ್ಲಿ ತಮ್ಮ ಉತ್ಪನ್ನಗಳನ್ನು ಮಾರಾಟ ಮಾಡುತ್ತಿದ್ದು, ಉತ್ತಮ ಗ್ರಾಹಕರ ಪ್ರತಿಕ್ರಿಯೆಯನ್ನು ಪಡೆಯುತ್ತಿದ್ದಾರೆ.