ಮೂಡುಬಿದರೆ ನ 09: ಎರಡೂ ಬೈಕ್ ಮುಖಾಮುಖಿ ಡಿಕ್ಕಿಯಾಗಿ ಬೈಕ್ ಸವಾರರೋರ್ವರು ಸಾವನ್ನಪ್ಪಿರುವ ಘಟನೆ ಮೂಡಬಿದಿರೆಯ ಬೆಳುವಾಯಿ ಖಂಡಿಗ ಬಳಿ ನಡೆದಿದೆ. ಅಂಬೂರಿ ನಿವಾಸಿ ನಾರಾಯಣ ನಾಯ್ಕ್ ಮೃತಪಟ್ಟವರು. ಕಲ್ಲು ಕ್ವಾರೆಯೊಂದರಲ್ಲಿ ದುಡಿಯುತ್ತಿದ್ದ ನಾರಾಯಣ ನಾಯ್ಕ್, ಟೆಂಪೋ ಚಾಲಕರಾಗಿಯೂ ಕಾರ್ಯನಿರ್ವಹಿಸುತ್ತಿದ್ದರು. ಬುಧವಾರ ತಮ್ಮ ದ್ವಿಚಕ್ರ ವಾಹನದಲ್ಲಿ ಬೆಳುವಾಯಿಯಿಂದ ಕೆಸರ್‌ಗದ್ದೆಯತ್ತ ಬರುತ್ತಿದ್ದಾಗ ಬೆಳುವಾಯಿಯ ಸತೀಶ್ ಚಲಾಯಿಸಿಕೊಂಡು ಬರುತ್ತಿದ್ದ ಬೈಕ್ ಡಿಕ್ಕಿ ಹೊಡೆದಿದೆ. ಆ ಸಂದರ್ಭ ರಸ್ತೆಗೆ ಬಿದ್ದ ನಾರಾಯಣ ಗಂಭೀರವಾಗಿ ಗಾಯಗೊಂಡು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಮೂಡುಬಿದಿರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಚಾನಲ್ ಫಾಲೋ ಮಾಡಿ
