ಉಡುಪಿ: ಮೋದಿಗೆ ಮತ ನೀಡಿ, ಪ್ರಧಾನಿ ಹೆಸರಲ್ಲಿ ಮತಯಾಚನೆ ನಡೆಸುತ್ತಿರುವ ಶೋಭಾ!

•   Sat, Apr 06 2019 11:29:35 PM



• ಉಡುಪಿ, ಏ 06(SM): ಉಡುಪಿ ಚಿಕ್ಕಮಗಳೂರು ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಶೋಭಾ ಕರಂದ್ಲಾಜೆ ಅವರು ಇದೀಗ ಉಡುಪಿಯಲ್ಲಿ ಬಿರುಸಿನ ಮತಯಾಚನೆ ನಡೆಸುತ್ತಿದ್ದಾರೆ. ಎಲ್ಲಾ ಅಭ್ಯರ್ಥಿಗಳು ಚುನಾವಣಾ ಪ್ರಚಾರದ ಸಂದರ್ಭ ತಮ್ಮ ಪರವಾಗಿ ಮತಯಾಚನೆ ನಡೆಸಿದರೆ, ಶೋಭಾ ಕರಂದ್ಲಾಜೆ ಮಾತ್ರ ಮೋದಿ ಹೆಸರಲ್ಲಿ ಮತಯಾಚನೆ ನಡೆಸುತ್ತಿದ್ದಾರೆ.

  

  ಚುನಾವಣಾ ಪ್ರಚಾರದಲ್ಲಿ ತೊಡಗಿರುವ ಅವರು, ತನ್ನ ಸಾಧನೆಗಳನ್ನು ಪ್ರಚಾರ ಮಾಡದೇ ಮೋದಿಗೆ ಓಟ್ ನೀಡಿ, ಬಿಜೆಪಿಗೆ ಮತ ನೀಡಿ ಎಂದು ಕೈಮುಗಿದುಕೊಂಡು ವಿನಂತಿಸಿಕೊಳ್ಳುತ್ತಿದ್ದಾರೆ. ಎಲ್ಲಾ ಸಮಾವೇಶ, ಮತಯಾಚನೆ ಸಂದರ್ಭದಲ್ಲೂ ಅವರು ತನ್ನ ಸಾಧನೆಗಳನ್ನು ಹೇಳದೆ ಮೋದಿಗೆ, ಬಿಜೆಪಿಗೆ ಮತ ನೀಡಿ ಎಂದು ಮತದಾರರಲ್ಲಿ ವಿನಂತಿಸುತ್ತಿದ್ದಾರೆ ಎಂಬ ಆರೋಪ ವ್ಯಕ್ತವಾಗಿದೆ.

  ಇದಕ್ಕೆ ಪೂರಕ ಎಂಬಂತೆ ಶೋಭಾರಂದ್ಲಾಜೆ ಅವರು ಈ ಹಿಂದೆ ಸಮಾಜ ಕಾರ್ಯಕರ್ತೆಯಾಗಿ ಕಾರ್ಯನಿರ್ವಹಿಸಿದ ಮಾಹೆ ವಿವಿಗೆ ತೆರಳಿದ್ದರು. ಅಲ್ಲಿ ತನಗೆ ಮತಯಾಚನೆ ಮಾಡದೆ ಪ್ರಧಾನಿ ಮೋದಿ, ಬಿಜೆಪಿಗಷ್ಟೇ ಮತಯಾಚಿಸಿ ಕೈಮುಗಿದು ನಸುನಗೆ ಬೀರಿ ತೆರಳಿದ್ದಾರೆ ಎನ್ನಲಾಗಿದೆ. ಅಲ್ಲದೆ ಈ ವೀಡಿಯೋ ಇದೀಗ ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್ ಆಗುತ್ತಿದೆ.

  ಈ ಹಿಂದೆ ಕೂಡ ಕೆಲವು ಸುದ್ದಿಗೋಷ್ಟಿಗಳಲ್ಲೂ ಕೂಡ ಶೋಭಾ ಪ್ರಧಾನಿ ಮೋದಿಗೆ ಮತ ನೀಡಿ ಬಿಜೆಪಿ ಪಕ್ಷವನ್ನು ಗೆಲ್ಲಿಸಿ ಎಂದಿದ್ದರು.