ವಿಶ್ವವೇ ನೋಡುವ ಸಾಧನೆಯನ್ನು ಮೋದಿ ಬರೀ 5 ವರ್ಷದಲ್ಲಿ ಮಾಡಿದ್ದಾರೆ- ಶೋಭಾ

•   Mon, Apr 08 2019 10:17:32 AM



• ಆಲ್ದೂರು, ಎ08(SS): ಮೋದಿಯವರು ಮಾಡಿದ ಸಾಧನೆಗೆ ವಿಶ್ವವೇ ನೋಡುವಂತೆ ಮಾಡಿದೆ. ಐದು ವರ್ಷದ ಅವದಿಯಲ್ಲಿ ಸಣ್ಣ ಕಳಂಕ ಬರದಂತೆ ಪ್ರಧಾನಿ ನರೇಂದ್ರ ಮೋದಿ ಅಧಿಕಾರ ನಡೆಸಿರುವುದು ದೇಶ ಹೆಮ್ಮೆಪಡುವ ಸಂಗತಿ ಎಂದು ಉಡುಪಿ- ಚಿಕ್ಕಮಗಳೂರು ಲೋಕಸಭಾ ಬಿಜೆಪಿ ಅಭ್ಯರ್ಥಿ ಶೋಭಾ ಕರದ್ಲಾಂಜೆ ಹೇಳಿದ್ದಾರೆ.

  

  ಚುನಾವಣಾ ಪ್ರಚಾರದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ಗಡಿ ಕಾಯುವ ಯೋದರಿಗೆ ಶಸಸ್ತ್ರಗಳು ಇಲ್ಲದೆ ಹೊರದೇಶಗಳಿಂದ ಅವುಗಳನ್ನು ಆಮದು ಮಾಡಿಕೊಳ್ಳುವ ಸ್ಥಿತಿ ನಿರ್ಮಾಣವಾಗಿತ್ತು. ಆದರೆ ಮೇಕ್‌ ಇನ್‌ ಇಂಡಿಯಾ ಯೋಜನೆಯಡಿ ಶಸ್ತ್ರಾಸ್ತ್ರಗಳನ್ನು ನಾವೇ ತಯಾರು ಮಾಡುವಷ್ಟು ಸ್ವಾವಲಂಬಿಗಳಾಗಿದ್ದೇವೆ ಎಂದು ಹೇಳಿದರು.

  ಹಾಸನ, ಬೇಲೂರು, ಚಿಕ್ಕಮಗಳೂರು, ಶೃಂಗೇರಿಗೆ ರೈಲು ಮಾರ್ಗಕ್ಕೆ ಅನುಮೋದನೆ ತರಲಾಗಿದೆ. ಚುನಾವಣೆ ನಂತರ ಕಾಮಗಾರಿ ಆರಂಭಗೊಳ್ಳಲಿದೆ. ಮಲೆನಾಡು ಭಾಗದಲ್ಲಿ ಕಾಫಿಧಾರಣೆ ಕುಸಿತ, ಕಾಳು ಮೆಣಸಿನ ಧಾರಣೆ ಕುಸಿತ, ಬೋರಾರ್‌ ರೋಗದಿಂದ, ಹವಮಾನ ವೈಪರೀತ್ಯದಿಂದ ಬೆಳೆಗಾರರು ಸಂಕಷ್ಟ ಎದುರಿಸುತ್ತಿದ್ದಾರೆ. ಮೊದಲನೇ ಹಾಗೂ ಎರಡನೇ ಕಂತಿನ ಸಬ್ಸಿಡಿಯನ್ನು ಬೆಳೆಗಾರರಿಗೆ ನೀಡಿದ್ದು ಮೂರನೇ ಕಂತಿನಲ್ಲಿ 269 ಕೋಟಿ ರೂ ಹಣ ಬಿಡುಗಡೆಯಾಗಿದ್ದು ಚುನಾವಣೆ ಮುಗಿದ ನಂತರ ಬೆಳೆಗಾರರಿಗೆ ವಿತರಣೆ ಮಾಡಲಾಗುತ್ತದೆ ಎಂದು ಭರವಸೆ ನೀಡಿದರು.