ಬಂಟ್ವಾಳ: ಬೇಂಕ್ಯ ರಿಕ್ಷಾ ಚಾಲಕ, ಮಾಲಕರ ವತಿಯಿಂದ ವಿದ್ಯಾರ್ಥಿಗಳಿಗೆ ಪುಸ್ತಕ ವಿತರಣೆ

•   Tue, Aug 15 2023 09:43:38 PM



• ಬಂಟ್ವಾಳ, ಆ 15 (DaijiworldNews/SM): 77ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮದ ನಡುವೆ ಬೇಂಕ್ಯದ ರಿಕ್ಷಾ ಚಾಲಕರು ಮತ್ತು ಮಾಲಕರ ವತಿಯಿಂದ ಸ್ವಾತಂತ್ರ್ಯ ದಿನಾಚರಣೆಯ ಪ್ರಯುಕ್ತ ಸಜೀಪಮೂಡ ಗ್ರಾಮದ ಬೇಂಕ್ಯದಲ್ಲಿರುವ ಹಿರಿಯ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳಿಗೆ ಪುಸ್ತಕಗಳನು ಹಾಗೂ ಸಿಹಿ ತಿಂಡಿಯನ್ನು ವಿತರಿಸಲಾಯಿತು.

  ಇನ್ನು ಸದಾ ಬಡಕುಟುಂಬಕ್ಕೆ ಆಸರೆಯಾಗುತ್ತಿರುವ ರಿಕ್ಷಾ ಚಾಲಕರು ಹಾಗೂ ಮಾಲಕರು ಅಬ್ಬಾಸ್ ಮುನ್ನೂರು ಇವರ ತುರ್ತು ಚಿಕಿತ್ಸೆಗೆ 11,422 ಮತ್ತು ಗುರುಮಂದಿರ ನಿವಾಸಿ ಭಾರತಿ ರವರ ಚಿಕಿತ್ಸೆಗೆ 11,555 ಮತ್ತು ಸಜೀಪ ಮುನ್ನೂರಿನ ಮರಿಯಮ್ಮ ಕುಟುಂಬಕ್ಕೆ 12,551 ಹಾಗೂ ಅಬ್ದುಲ್ ಅಭೀಝ್ ಕುಟುಂಬಕ್ಕೆ 14,810 ಒಟ್ಟು 50,338 ರೂಪಾಯಿಗಳನ್ನು ಒಟ್ಟು ಸೇರಿಸಿ ಬಡ ಕುಟುಂಬಕ್ಕೆ ನೀಡಿದ್ದಾರೆ.ರಿಕ್ಷಾ ಚಾಲಕರ ಈ ಸಮಾಜಮುಖಿ ಸೇವೆಗೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗಿದೆ.

  ಇನ್ನು ನಮಗೊಂದು ರಿಕ್ಷಾ ತಂಗುದಾಣ ನಿರ್ಮಿಸಿಕೊಡಬೇಕೆಂದು ರಿಕ್ಷಾ ಚಾಲಕರ ಮತ್ತು ಮಾಲಕರ ಬೇಡಿಕೆಯಾಗಿದ್ದು ಸ್ಥಳೀಯ ಶಾಸಕರು ಈ ಬೇಡಿಕೆಯನ್ನ ಈಡೇರಿಸಬೇಕೆಂದು ಮನವಿ ಮಾಡಿದ್ದಾರೆ.