“ಅಪ್ಪೆ ಟೀಚರ್” ತುಳು ಚಿತ್ರಕ್ಕೆ ಮೂಹೂರ್ತ

•   Sat, Nov 11 2017 12:21:16 PM



• ಮಂಗಳೂರು, ನ 11: ಸ್ವಯಂಪ್ರಭಾ ಎಂಟರ್ಟೈನ್ಮೆಂಟ್ ಆ್ಯಂಡ್ ಪ್ರೊಡಕ್ಷನ್ ಬ್ಯಾನರ್ ಅಡಿಯಲ್ಲಿ  ತಯಾರಾಗುತ್ತಿರುವ ಕಿಶೋರ್ ಮೂಡಬಿದಿರೆ ನಿರ್ದೇಶನದ ಅಪ್ಪೆ ಟೀಚರ್ ತುಳು ಚಿತ್ರದ ಮೂಹೂರ್ತ ಕಾರ್ಯಕ್ರಮವು ನಗರದ ಟೌನ್ ಹಾಲ್ ನಲ್ಲಿ ನಡೆಯಿತು.

  
  

  

  

  

  

  

  

  

  

  

  

   

  ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷರಾದ ಎ.ಸಿ ಭಂಡಾರಿ ಕ್ಲ್ಯಾಪ್ ಮಾಡಿದರು. ಸಮಾರಂಭದಲ್ಲಿ ವಿಜಯ್ ಕುಮಾರ್ ಕೊಡಿಯಾಲ್ ಬೈಲು, ದೇವದಾಸ್ ಕಾಪಿಕಾಡ್, ಅರವಿಂದ್ ಬೋಳಾರ್, ಪ್ರಕಾಶ್ ಪಾಂಡೇಶ್ವರ್ ಸೇರಿದಂತೆ ಅನೇಕ ಕಲಾವಿದರು, ಗಣ್ಯರು ಉಪಸ್ಥಿತರಿದ್ದರು.

  ಅಪ್ಪೆ ಟೀಚರ್ ಚಿತ್ರದಲ್ಲಿ ಅಶ್ವಿನಿ ನಕ್ಷತ್ರ ಧಾರವಾಹಿಯಲ್ಲಿ ಜೆ.ಕೆ ತಮ್ಮನ ಪಾತ್ರದಲ್ಲಿ ಕಾಣಿಸಿಕೊಂಡ ಸುನಿಲ್ ಅವರು ಪ್ರಥಮ ಬಾರಿಗೆ ತುಳು ಚಿತ್ರರಂಗದಲ್ಲಿ ನಾಯಕ ನಟನಾಗಿ ಅಭಿನಯಿಸುತ್ತಿದ್ದು, ಪುತ್ತೂರಿನ ನಿರೀಕ್ಷಾ ಶೆಟ್ಟಿ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ.

  ಉಳಿದಂತೆ ಕರಾವಳಿಯ ದಿಗ್ಗಜರಾದ ನವೀನ್.ಡಿ.ಪಡೀಲ್, ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ಗೋಪಿನಾಥ್ ಭಟ್, ಮೊದಲಾದ ಅನೇಕ ಕಲಾವಿದರು ಚಿತ್ರದಲ್ಲಿ ನಟಿಸಲಿದ್ದಾರೆ.

  ರತ್ನಾಕರ್ ಕಾಮತ್ ಮತ್ತು ಗಣೇಶ್ ಕಾಮತ್ ನಿರ್ಮಾಣದ ಈ ಚಿತ್ರದಲ್ಲಿ ವನಿಲ್ ವೇಗಸ್ ಅವರ ಸಂಗೀತವಿದೆ. ಉದಯ್ ಲೀಲಾ ಅವರ ಛಾಯಾಗ್ರಹಣ ಚಿತ್ರದಲ್ಲಿದ್ದು, ಪ್ರದೀಪ್ ನಾಯಕ್ ಅವರ ಸಂಕಲನವಿದೆ. ರಾಮದಾಸ್ ಸಸಿಹಿತ್ಲು, ಮಣಿ ಎ.ಜೆ, ಸಂದೀಪ್ ಬೆದ್ರ ಚಿತ್ರಕ್ಕೆ ಸಹನಿರ್ದೇಶನ ಮಾಡುತ್ತಿದ್ದಾರೆ.