ಕಾಸರಗೋಡು: 'ಸಹಕಾರಿ ಬ್ಯಾಂಕ್ ಮುಚ್ಚಿಸುವ ಷಡ್ಯಂತ್ರಕ್ಕೆ ಅವಕಾಶ ನೀಡಲಾಗದು' - ಪಿಣರಾಯಿ

•   Sun, Sep 24 2023 09:00:24 AM



• ಕಾಸರಗೋಡು, ಸೆ 24 (DaijiworldNews/HR): ಸಹಕಾರಿ ಬ್ಯಾಂಕ್ ಗಳನ್ನು ಮುಚ್ಚಿಸುವ ಷಡ್ಯಂತ್ರಕ್ಕೆ ಅವಕಾಶ ನೀಡಲಾಗದು ಎಂದು ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ.

  ಕುಂಡಗುಳಿಯಲ್ಲಿ ಬೇಡಡ್ಕ ರೈತರ ಸೇವಾ ಸಹಕಾರಿ ಬ್ಯಾಂಕ್ ಕೇಂದ್ರದ ಕಚೇರಿ ಕಟ್ಟಡ ಹಾಗೂ ಕೃಷಿ ಸೇವಾ ಕೇಂದ್ರವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಕೇರಳದ ಸಹಕಾರಿ ಬ್ಯಾಂಕ್ ವಾಣಿಜ್ಯ ಬ್ಯಾಂಕ್‌ಗಳಿಗೆ ಪೈಪೋಟಿ ನೀಡುವಷ್ಟು ಬೆಳೆದಿದೆ. ಸಹಕಾರಿ ಬ್ಯಾಂಕ್ ಜನರ ಬ್ಯಾಂಕ್ ಆಗಿದೆ. ಸಹಕಾರಿ ಕ್ಷೇತ್ರದಲ್ಲಿ ಜನರು ಹೂಡಿಕೆ ಮಾಡುವ ಪ್ರತಿಯೊಂದು ಮೊತ್ತವೂ ಸುರಕ್ಷಿತವಾಗಿರುತ್ತದೆ. ಅದನ್ನು ಸರ್ಕಾರ ಖಚಿತಪಡಿಸುತ್ತದೆ. ಇದರ ವಿರುದ್ಧ ಎಷ್ಟೇ ಉನ್ನತ ಜನರು ಪ್ರಯತ್ನಿಸಿದರೂ ಅದಕ್ಕೆ ಅವಕಾಶ ನೀಡಲಾಗುವುದಿಲ್ಲ ಎಂದರು.

  ಇನ್ನು ಸಹಕಾರ ಸಂಘಗಳು ಹುಟ್ಟಿನಿಂದ ಸಾವಿನವರೆಗೆ ವಿವಿಧ ಉದ್ದೇಶಗಳಿಗಾಗಿ ಸಂಪರ್ಕ ಹೊಂದಿರುವ ಜನರ ಸಂಸ್ಥೆಗಳಾಗಿವೆ. ಇವುಗಳಲ್ಲಿ ಪ್ರಬಲವಾದದ್ದು ಕ್ರೆಡಿಟ್ ವಲಯ. ಪಂಡಿತ್ ಜವಾಹರಲಾಲ್ ನೆಹರು ಮೊದಲ ಪ್ರಧಾನಿಯಾದಾಗ ಸಾರ್ವಜನಿಕ ವಲಯ ಮತ್ತು ಸಹಕಾರಿ ಕ್ಷೇತ್ರಗಳೆರಡನ್ನೂ ಉತ್ತೇಜಿಸಿದರು. ದೇಶವು ಜಾಗತೀಕರಣ ನೀತಿಯನ್ನು ಅಳವಡಿಸಿಕೊಂಡಾಗ ಈ ಧೋರಣೆ ಬದಲಾಯಿತು ಮತ್ತು ನಾವು ಸಹಕಾರಿ ಕ್ಷೇತ್ರವನ್ನು ಪರಿಶೀಲಿಸಿದರೆ, ಜಾಗತೀಕರಣದ ಮೊದಲು ಸಹಕಾರಕ್ಕೆ ಸಂಬಂಧಿಸಿದ ವರದಿಗಳೆಲ್ಲವೂ ಸಹಕಾರಿಗಳ ಪರವಾಗಿವೆ. ಆದರೆ ನಂತರ ಅದು ಬದಲಾಯಿತು. ದೇಶದ ವಿಷಯದಲ್ಲಿ ಆಡಳಿತ ಬದಲಾಗಿದೆ, ಆದರೆ ವಿಧಾನ ಬದಲಾಗಿಲ್ಲ. ಸಹಕಾರಿಗಳ ಮೇಲೆ ಪರಿಣಾಮ ಬೀರುವ ನೀತಿಯನ್ನು ತೀವ್ರವಾಗಿ ಅನುಸರಿಸಲಾಗುತ್ತದೆ. ಕೇರಳದ ವಿಶೇಷ ಗುರಿ ಕೇರಳದ ಸಹಕಾರ ಕ್ಷೇತ್ರದಲ್ಲಿ ಹೆಚ್ಚಿನ ಹೂಡಿಕೆಯಾಗಿದೆ.ಕೇರಳದ ಸಹಕಾರಿ ಬ್ಯಾಂಕ್ ವಾಣಿಜ್ಯ ಬ್ಯಾಂಕ್‌ಗಳಿಗೆ ಪೈಪೋಟಿ ನೀಡುವಷ್ಟು ಬೆಳೆದಿದೆ. ಸಹಕಾರಿ ಬ್ಯಾಂಕ್ ಜನರ ಬ್ಯಾಂಕ್ ಆಗಿದೆ ಎಂದಿದ್ದಾರೆ.

  ಶಾಸಕ ಸಿ.ಎಚ್‌.ಕುಂಞಂಬ ಅಧ್ಯಕ್ಷತೆ ವಹಿಸಿದ್ದರು. ಕೇರಳ ಬ್ಯಾಂಕ್‌ನ ‘ಸಮಗ್ರ ಪಿಎಸಿಎಸ್‌’ ಯೋಜನೆಯಡಿ 80 ಲಕ್ಷ ಹಾಗೂ ನಬಾರ್ಡ್‌ನ ಎಐಎಫ್‌ ಯೋಜನೆಯಡಿ 1.2 ಕೋಟಿ ರೂಪಾಯಿ ವೆಚ್ಚ ಮಾಡಿ ಕಟ್ಟಡ ನಿರ್ಮಾಣ ಪೂರ್ಣಗೊಂಡಿದೆ.

  ಜಿಲ್ಲಾ ಪಂಚಾಯತ್ ಮಾಜಿ ಅಧ್ಯಕ್ಷ ಎಂ.ವಿ.ಬಾಲಕೃಷ್ಣನ್ ಮುಖ್ಯ ಶಾಖೆಯನ್ನು ಉದ್ಘಾಟಿಸಿದರು. ಸಭಾಂಗಣದ ಉದ್ಘಾಟನೆಯನ್ನು ಕೇರಳ ಸಹಕಾರಿ ಹೂಡಿಕೆ ಖಾತರಿ ಮಂಡಳಿ ಉಪಾಧ್ಯಕ್ಷ ಕೆ.ಪಿ.ಸತೀಶ್ ಚಂದ್ರನ್, ಸ ಕೇರಳ ಬ್ಯಾಂಕ್ ನಿರ್ದೇಶಕ ಸಾಬು ಅಬ್ರಹಾಂ, ರೈತರ ತರಬೇತಿ ಕೇಂದ್ರ ನಬಾರ್ಡ್ ಎಜಿಎಂ ದಿವ್ಯಾ, ಜಿಲ್ಲಾ ಪಂಚಾಯತ್ ಧ್ಯಕ್ಷ ಪಿ.ಬೇಬಿ ಬಾಲಕೃಷ್ಣನ್, ಡಾಟಾ ಸೆಂಟರ್ ಜಿಲ್ಲಾ ಸಹಕಾರಿ ಸಂಗಮ ಜಂಟಿ ನಿಬಂಧಕಿ ಲಸಿತಾ ಉಪಸ್ಥಿತರಿದ್ದರು. ಬ್ಯಾಂಕ್ ವ್ಯವಸ್ಥಾಪಕ ನಿರ್ದೇಶಕ ಸುರೇಶ್ ಪಾಯಂ ವರದಿ ಮಂಡಿಸಿದರು.

  ಬೇಡಡ್ಕ ಪಂಚಾಯಿತಿ ಅಧ್ಯಕ್ಷೆ ಎಂ.ಧನ್ಯ, ಕಾರಡುಕ ಬ್ಲಾಕ್ ಪಂಚಾಯಿತಿ ಉಪಾಧ್ಯಕ್ಷೆ ಕೆ.ರಮಣಿ, ಬೇಡಡುಕ ಪಂಚಾಯತ್ ಉಪಾಧ್ಯಕ್ಷ ಎ.ಮಾಧವನ್, ಬೇಡ ಡ್ಕ ಗ್ರಾಮ ಪಂಚಾಯತಿ ಕ್ಷೇಮಾಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷ ಟಿ.ವರದರಾಜ್, ಕುತ್ತಿಕೋಲ್ ಕೃಷಿಕ ಕ್ಷೇಮಾಭಿವೃದ್ಧಿ ಸಹಕಾರ ಸಂಘದ ಅಧ್ಯಕ್ಷ ಸಿ.ಬಾಲನ್, ಕಾಸರಗೋಡು ಸಹಕಾರಿ ಶಿಕ್ಷಣ ಸಂಘದ ಅಧ್ಯಕ್ಷೆ ಇ.ಪದ್ಮಾವತಿ, ಕಾಸರಗೋಡು ಸಹಕಾರ ಸಂಘದ ಸಹಾಯಕ ನಿಬಂಧಕ (ಸಾಮಾನ್ಯ) ಎ.ರವೀಂದ್ರ, ಕಾಸರಗೋಡು ಸಹಕಾರ ಸಂಘದ ಸಹಾಯಕ ನಿಬಂಧಕ (ಯೋಜನೆ) ವಿ.ಚಂದ್ರನ್, ಕೊಳತ್ತೂರು ಸೇವಾ ಸಹಕಾರಿ ಬ್ಯಾಂಕ್ ಅಧ್ಯಕ್ಷ ಭರತ ಕುಮಾರನ್, ಕೃಷಿ ಸುಧಾರಣಾ ಸಹಕಾರಿ ಸಂಘ ಅಧ್ಯಕ್ಷ ಎ.ದಾಮೋದರನ್, ಕುಂಡಂಕುಳಿ ಮಹಿಳಾ ಸಹಕಾರಿ ಸಂಗಮದ ಅಧ್ಯಕ್ಷೆ ಎಂ.ತಂಗಮಣಿ, ಬೇಡಡ್ಕ, ಮಹಿಳಾ ಸಹಕಾರಿ ಸಂಗಮದ ಅಧ್ಯಕ್ಷೆ ಕೆ.ಉಮಾವತಿ, ಕೃಷಿ ಅಧಿಕಾರಿ ಡಾ. ಪ್ರವೀಣ್ ಕುಮಾರ್, ಸಹಕಾರ ಘಟಕದ ನಿರೀಕ್ಷಕ ಎಂ. ಮಣಿಕಂಠನ್, ಬೇಡಡ್ಕ ಗ್ರಾಮ ಪಂಚಾಯತ್ ಸಿಡಿಎಸ್ ಅಧ್ಯಕ್ಷೆ ಎಂ.ಗುಲಾಬಿ, ಬಿಎಫ್‌ಎಸ್‌ಸಿ ಬ್ಯಾಂಕ್ ಮಾಜಿ ಅಧ್ಯಕ್ಷ ಜಯಪುರಂ ದಾಮೋದರನ್, ಬಿಎಫ್‌ಎಸ್‌ಸಿ. ಬ್ಯಾಂಕ್ ಮಾಜಿ ನಿರ್ದೇಶಕ ಕೆ.ಕುಂಜಿರಾಮನ್, ವರ್ತಕರ ಸಂಘದ ಜಿಲ್ಲಾಧ್ಯಕ್ಷ ಪಿ.ಕೆ.ಗೋಪಾಲನ್, ವರ್ತಕರ ಸಂಘದ ಸಮನ್ವಯ ಸಮಿತಿ ಕುಂಡಂಕುಲಿ ಘಟಕದ ಅಧ್ಯಕ್ಷ ಕೆ.ಅಶೋಕನ್ ನಾಯರ್ ಮಾತನಾಡಿದರು. ಸ್ವಾಗತ ಸಮಿತಿ ಅಧ್ಯಕ್ಷ ಎಂ.ಅನಂತನ್ ಸ್ವಾಗತಿಸಿದರು.