ಕುಂದಾಪುರ: ಬಿಜೆಪಿ ಅರ್ಧ ಸೋತಿದೆ -ಮೋದಿಗಲ್ಲ, ಪ್ರ 'ಮೋದಿ 'ಗೆ ಓಟು ನೀಡಿ - ಪ್ರಮೋದ್ ಮಧ್ವರಾಜ್

•   Fri, Apr 12 2019 12:30:36 PM



• ಕುಂದಾಪುರ, ಏ 12(MSP): ಬಿಜೆಪಿಗೆ ಈಗಾಗಲೇ ಅರ್ಧ ಸೋತಿದೆ, ಹೀಗಾಗಿ ಈ ಬಾರಿ ಮೋದಿಗಲ್ಲ, ಈ ಪ್ರ"ಮೋದಿ"ಗೆ ಓಟು ಕೊಡಿ ಎಂದು ನಾನು ಕೇಳುತ್ತಿದ್ದೇನೆ ಎಂದು ಕಾಂಗ್ರೆಸ್‌ ಜೆಡಿಎಸ್‌ ಸಮ್ಮಿಶ್ರ ಅಭ್ಯರ್ಥಿ ಪ್ರಮೋದ್‌ ಮಧ್ವರಾಜ್‌ ಹೇಳಿದರು.

  

  ಗುರುವಾರ ಇಲ್ಲಿ ಮಾಧ್ಯಮದೊಂದಿಗೆ ಮಾತನಾಡಿ, 'ಮೋದಿ ಕಡೆ ನೋಡಿ ಮತ ಚಲಾಯಿಸಿ ಎನ್ನುವ ಬಿಜೆಪಿ, ಈಗಾಗಲೇ ಉಡುಪಿ ಚಿಕ್ಕಮಗಳೂರು ಕ್ಷೇತ್ರ ದಲ್ಲಿ ಅರ್ಧ ಸೋಲೊಪ್ಪಿದೆ. ಮೋದಿ ಕಡೆ ನೋಡಿ ಓಟು ಕೊಟ್ಟರೆ, ಕ್ಷೇತ್ರದ ಜನತೆಗೆ ಅಹವಾಲು ಹೇಳಿಕೊಳ್ಳಲು, ಭೇಟಿಯಾಗಲು ಮೋದಿ ಸಿಗುತ್ತಾರೆಯೇ? ಬೆಂಗಳೂರಿನ ಅಭ್ಯರ್ಥಿ ಅಥವಾ ಮೋದಿ ಜನರ ಕೈಗೆ ಸಿಗುವುದಿಲ್ಲ , ಅದರ ಬದಲು ಸ್ಥಳೀಯ ಅಭ್ಯರ್ಥಿಯಾದ ಪ್ರ ’ಮೋದಿ ’ ಸಿಗುತ್ತೇನಾ ಎನ್ನುವುದನ್ನು ಯೋಚಿಸಿ ಮತ ಚಲಾಯಿಸಬೇಕು ' ಎಂದರು.

  'ನಾನು ಜಿಲ್ಲೆಯ ಶಾಸಕನಾಗಿದ್ದಾಗ, ರಾಜ್ಯದ ಸಚಿವನಾಗಿದ್ದಾಗ ಮಾಡಿದ ಅಭಿವೃದ್ಧಿ ಪರ ಕೆಲಸ ಕಾರ್ಯಗಳನ್ನು ಜನ ನೋಡಿದ್ದಾರೆ. ಅದೇ ಮಾದರಿಯಲ್ಲಿ ಎರಡೂ ಜಿಲ್ಲೆಯ ಅಭಿವೃದ್ಧಿಯ ಭರವಸೆ ನೀಡುತ್ತೇನೆ ಹಾಗೂ ಕ್ಷೇತ್ರಕ್ಕೆ ಕೇಂದ್ರ ಹಾಗೂ ರಾಜ್ಯದ ಅನುದಾನ ತರಿಸುತ್ತೇನೆ ' ಎಂದು ಭರವಸೆ ನೀಡಿದರು.