ಕಾಸರಗೋಡು:ಹಾಡುಹಗಲೇ ಮನೆಗೆ ನುಗ್ಗಿ ಕಳ್ಳತನ

•   Sat, Apr 13 2019 07:10:56 PM



• ಕಾಸರಗೋಡು,ಏ13(AZM): ಹಾಡಹಗಲೇ ವಸತಿ ಗೃಹದ ಬಾಗಿಲು ಮುರಿದು ಒಳನುಗ್ಗಿದ ಕಳ್ಳರು 15 ಪವನ್ ಚಿನ್ನಾಭರಣ ಮತ್ತು ಹತ್ತು ಸಾವಿರ ರೂ . ನಗದು ಕಳವುಗೈದ ಘಟನೆ ನಗರ ಹೊರವಲಯದ ಅಡ್ಕತ್ತಬೈಲ್ ನಲ್ಲಿ ನಡೆದಿದೆ.

  

  ಅಡ್ಕತ್ತಬೈಲ್ ಗುಡ್ಡೆ ದೇವಸ್ಥಾನ ರಸ್ತೆಯ ಸೆಕಂಡ್ ಕ್ರಾಸ್ ರೋಡ್ ನ ರುಖಿಯಾ ಎಂಬವರು ವಾಸವಾಗಿರುವ ಮನೆಯಲ್ಲಿ ಕಳ್ಳತನ ನಡೆದಿದೆ. ಮನೆಯವರು ಇಂದು ಬೆಳಿಗ್ಗೆ ಹೊರಗಡೆ ತೆರಳಿದ್ದು ಸಂಜೆ ಮರಳಿ ಬಂದಾಗ ಕೃತ್ಯ ಬೆಳಿಕಿಗೆ ಬಂದಿದೆ. ಬಾಗಿಲಿನ ಬೀಗ ಒಡೆದು ಒಳ ನುಗ್ಗಿರುವ ಕಳ್ಳರು ಚಿನ್ನಾಭರಣ ನಗದು ಹಾಗೂ ಮೊಬೈಲ್ ಫೋನ್ ನ್ನು ಕಳವು ಮಾಡಿರುವುದು ಕಂಡು ಬಂದಿದೆ.

  ಘಟನಾ ಸ್ಥಳಕ್ಕೆ ಕಾಸರಗೋಡು ನಗರ ಠಾಣಾ ಪೊಲೀಸರು , ಶ್ವಾನ , ಬೆರಳಚ್ಚು ತಜ್ಞರು ತಲಪಿದ್ದು ತನಿಖೆ ನಡೆಯುತ್ತಿದೆ . ಸಮೀಪದ ಮನೆಯೊಂದಕ್ಕೆ ಅಳವಡಿಸಿದ್ದ ಮನೆಯೊಂದರ ಸಿ ಸಿ ಟಿ ವಿ ಕ್ಯಾಮರಾ ದಲ್ಲಿ ಶಂಕಿತ ವ್ಯಕ್ತಿಯೋರ್ವನ ದ್ರಶ್ಯ ಸೆರೆಯಾಗಿದ್ದು, ಈತನೇ ಕೃತ್ಯ ನಡೆಸಿರಬಹುದು ಎಂದು ಶಂಕಿಸಲಾಗಿದೆ