ಸುಬ್ರಹ್ಮಣ್ಯ: ಮಹಿಳೆಯ ಕರಿಮಣಿ ಸರ ಕಳವು

•   Wed, Oct 25 2023 03:52:50 PM



• ಸುಬ್ರಹ್ಮಣ್ಯ, ಅ 25 (DaijiworldNews/AA): ದೇವರ ದರ್ಶನ ವೇಳೆ ಕಳ್ಳರು ಮಹಿಳೆಯೋರ್ವರ 1.4 ಲಕ್ಷ ಮೌಲ್ಯದ ಚಿನ್ನದ ಕರಿಮಣಿ ಎಗರಿಸಿದ ಘಟನೆ ಕುಕ್ಕೆ ಸುಬ್ರಹ್ಮಣ್ಯ ದೇವಳದಲ್ಲಿ ನಡೆದಿದೆ.

  ಕಡಬ ತಾಲೂಕಿನ ಇಚ್ಲಂಪಾಡಿ ಬರೆಮೇಲು ನಿವಾಸಿ ಭಾರತಿ ಎಮ್ ಡಿ ಎಂಬುವವರು ಅಕ್ಟೋಬರ್ 22ರ ಮಧ್ಯಾಹ್ನ ಕುಕ್ಕೆ ಸುಬ್ರಹ್ಮಣ್ಯ ದೇವಳಕ್ಕೆ ಭೇಟಿ ನೀಡಿದ್ದರು. ದೇವರ ದರ್ಶನ ಪಡೆದು ಆರತಿ ತೆಗೆದುಕೊಳ್ಳುವ ಸಂದರ್ಭ ಅವರ ಕುತ್ತಿಗೆಯಲ್ಲಿದ್ದ 4 ಪವನ್ ತೂಕದ ಕರಿಮಣಿ ಸರ ಕಾಣೆಯಾಗಿತ್ತು. ಬಳಿಕ ಕರಿಮಣಿ ಸರಕ್ಕಾಗಿ ದೇಗುಲದ ವಠಾರದಲ್ಲಿ ಹುಟುಕಾಟ ನಡೆಸಿದರೂ ಪತ್ತೆಯಾಗದ ಹಿನ್ನೆಲೆಯಲ್ಲಿ ಸುಬ್ರಮಣ್ಯ ಪೊಲೀಸರಿಗೆ ದೂರು ನೀಡಿದ್ದಾರೆ.